2 States - Chetan Bhagat - Book Review


நான் கணேஷ்-சியாமளா தொடர் ஆரம்பித்தபோது ஒரு நண்பர் ஆன்லைனில் வந்து ”சேத்தன் பகத்தின் 2 States படித்திருக்கிறீர்களா, அந்த புத்தகமும் உங்கள் தொடர் போல The Story of My Marriage தான்” என்று கூறினார். உடனே அவரிடம் ”இந்த தொடர் ஒன்றும் என் கல்யாணத்தின்(இன்னும் எனக்கு கல்யாணமே ஆகலைய்யா ) கதை இல்ல, ஜஸ்ட் கற்பனை கதை தான்” என அந்த நிமிடத்தில் அவரிடம் சொன்னேன். இருந்தாலும் ஆர்வம் பொத்துக் கொண்டு உடனே அந்த புத்தகத்தை படிக்க வேண்டும் என ஆசை தொற்றிக் கொண்டது.

ஆரம்பத்தில் கொடுக்கபட்ட பில்டப் படி பார்த்தால் ஹீரோயின், தமிழ்நாட்டு ஐயர் பெண் அனன்யா ஒரு பேரழகி. சிம்பிளா சொன்னால் 14 பேர் ப்ரோப்பஸ் பண்ணும் அளவுக்கு அழகுன்னா அழகு. தமிழ்சினிமா மாஸ் ஹீரோ ஓபனிங் சீனில் சண்டை போட்டு ஆரம்பிப்பது போல், இவருக்கு இண்ட்ரோ கொடுக்கும்போதே IIMA ஹாஸ்டல் சமையற்காரரிடம் சாம்பாரில் உப்பு இல்ல என சண்டையுடன் தெனாவட்டுடன் ஆரம்பிக்கிறார் சேத்தன். இதெல்லாம் விட பீர், மாக்டெயில், சிக்கன்பிரியாணி என மானாவாரியாக பொளந்துகட்டும் மாடர்ன் அய்யர் பெண்ணாக வலம் வருகிறார்.

அந்த எழுத்தாளரின் சொந்தக் கதை ப்ளஸ் கொஞ்சம் ஃபிச்ஷனுடன் என்று டிஸ்கி போட்டு தான் ஆரம்பிக்கிறார்.. அதனால் அவர் தான் ஹீரோ க்ரிஷ் ஃப்ரம் பஞ்சாப். முதல் எபிசோடிலேயே ஹீரோயினுடன் பிக்கப் ஆகி ரெண்டு பேரும் ஒன்றாக வெளியில் போய் சாப்பிட ஆரம்பிக்கிறார்கள். அடுத்த எபிசோடில் எகானமிக்ஸ் புரோஃபசர் கேள்வி கேட்டு அழவைத்து அனன்யாவை, அழுகாச்சி அனன்யாவாக ஆக்க, ஹீரோ கன்வின்ஸ் பண்ண முடிவில் ரெண்டு பேரும் கம்பைன் ஸ்டடி (Not Exactly Like மன்மதன், But Somewhat like on LATER) பண்ண முடிவெடுக்கிறார்கள். அழகு பெண்ணுடன் கம்பைன் ஸ்டடி பண்ணும் பாக்கியம் எத்தனை பேருக்கு கிடைக்கும், ஹூம்ம்ம்ம்.

ஆரம்பத்தில் அவன் அனன்யாவின் ஹாஸ்டல் ரூமில் போய் படிக்க ஆரம்பிக்க, அங்கே அவன் ரொம்ம்ம்ப நல்ல பையனாக நடந்து கொள்கிறான். சில நேரங்களில் அனன்யாவிற்கு தெரியாமல் அவளை இன்ச் பை இன்ச் ஆக சைட் அடிக்கிறான்,. ஒன் ஃபைன் டே, அனன்யாவை அவாய்ட் பண்ண ஆரம்பிக்கிறார் ஹீரோ. ஏனென்றால் ஹீரோவுக்கு ஹீரோயின் மேல் லவ், பொஸஸிவ்னெஸ். ஹீரோயின் கண்டுபிடித்து ஏன் என விசாரிக்க ஹீரோ ரூம் வர, கிஸ்ஸடிக்கிறார் ஹீரோ. அதாவது அவர்கள் ரெண்டு பேரும் லவ் பண்ண ஆரம்பிக்கிறார்கள். அதற்கப்புறம் ஏதேதோ பண்ணுகிறார்கள் நடுநடுவே படிக்கிறார்கள், கேம்பஸ் இண்டர்வியூவில் ப்ளேஸ் ஆகிறார்கள். ரெண்டு பேரும் ‘ஜோடி’ படம் ஸ்டைலில் ரெண்டு குடும்பத்தை கன்வின்ஸ் பண்ண ஆரம்பிக்க, குடும்பங்கள் முட்டிக் கொள்ள, பின்னர் ஜோடி முட்டிக் கொள்ள, முடிவில் கல்யாணத்துடன் சுபம். முடிவில் இலவச இணைப்பாக அந்த ஜோடிக்கு, ட்வின்ஸ் பிறந்ததுடன் முடிக்கிறார் எழுத்தாளர்.

ஆனால் இந்த கதையை நகர்த்திக் கொண்டு போனதில் ஒவ்வொரு எபிசோடிலும் சுவாரஸ்யம் மின்னுகிறது. ஆங்காங்கே பளிச் நக்கல்கள். ரெண்டு மாநிலத்தையும் கன்னாபின்னாவென ஓட்டியிருக்கிறார். ஆரம்பத்தில் அப்பாவைச் சுற்றி டெவலப் பண்ண முடிச்சுகள், கொஞ்சம் கொஞ்சம் அவிழ்க்கப்பட்டு, க்ளைமேக்ஸில் ஆச்சர்ய அதிர்ச்சியாக முடிந்திருக்கிறது.

ஜஸ்ட் ஃப்ரெண்ட்ஸ், நோ IIT ப்ரதர் என பல உடன்பாடுகள் ஆரம்பத்தில் போடப்பட்டு, கொஞ்சம் கொஞ்சமாக இருவரும் புரிந்து கொண்டபின் வரும் பொஸஸிவ்னெஸ், பிரிவு என இளமை ரூட்டில் கலாட்டாவாக பயணிக்கிறது, அதுவும் ஹீரோயின் மைக்ரோ ஷார்ட்ஸ் போட்டுக் கொண்டு கேம்பஸ் வெளியே போக வேண்டும், என அடம்பிடிக்கும்போது, ஹீரோவிற்கு கோபம் ப்ளஸ் பொஸஸிவ்னெஸ் பொங்கி வருகிறது. பேசாமல் ஒரு வாரம் இருக்கிறார். இந்த இடத்தில் பசங்க ரொம்ப கேர்ஃபுல்லாக மூவ் பண்ணவேண்டும். பேசாமல் இருந்தால், பொண்ணுங்க தேடி வரவேண்டும். அதாவது அந்த அளவுக்கு டீஸண்டாக பழகி நல்ல இம்ப்ரெஷ்ஷன் டெவலப் பண்ணி இருக்க வேண்டும். இல்லையென்றால் ‘நல்ல வேளை, அந்த மொக்கை தொல்லை இனிமே இல்லை’ என ரைமிங்காக பாடிவிட்டு பொண்ணுங்க கழன்று விடுவார்கள். அந்த மாதிரியான சிச்சுவேஷனை நல்ல முறையில் யூஸ் பண்ணி இருக்கிறார் சேத்தன்.

அதே போல் காதலில் தான் கன்னா பின்னாவென இன்ஸ்டின்க்ட்ஸ்(Instincts) தோன்றும், வொர்க் அவுட் கூட ஆகும். அதையும் செம கலாட்டாவாகக் காட்டியிருக்கிறார். எல்ல்ல்லாம் முடிந்த பிறகு அனன்யாவிடம் கல்யாணம் பண்ணுவது குறித்து உறுதியான ப்ளான் சொல்லாமல், அவளை ஹர்ட் பண்ணி சொதப்பிக் கொண்டிருக்கிறார் ஹீரோ. அந்த நேரத்தில் சிட்டி பேங்க் இண்டர்வியூவில் ரிசல்ட்டுக்காக பல்லைக் கடித்துக் கொண்டு காத்திருக்க, மனசாட்சி ”அனன்யாவிற்கு ப்ராமிஸ் பண்ணலைன்னா மகனே இண்டர்வியூ ஊத்திக்கும்” என எச்சரிக்கை மணி அடிக்கிறது. பயந்துகொண்டு ஓடிபோய் HLL (ஹிந்துஸ்தான் லீவர் லிமிடெட்) இண்டர்வியூ பேனலில் உட்கார்ந்திருக்கும் அனன்யாவை இழுத்து ‘ஐ லவ் யூ. கல்யாணம் பண்ணிக்கலாம்’ என சொல்வது ரொமாண்டிக்கான எபிசோட்.

அதன்பின் ஹீரோ சென்னை சிட்டிபேங்க் வேலைக்கு சென்னை வருகிறார். அனன்யா அப்பாவுடன் ஒட்டுவதற்கு ஏகப்பட்ட பிரயத்தனம் பண்ணி பின்னர் ஒரு நாள் ஒன்றாக தண்ணி அடிக்கிறார். மாமனாருடன் தண்ணி அடிக்கும் அனுபவம் நெறைய்ய மாப்பிள்ளைகளுக்கு கிடைப்பதில்லை. அனன்யாவின் அம்மாவுக்கு, பாட்டு பாட சான்ஸ் வாங்கிக் கொடுத்து பேர் வாங்குவது எல்லாம் விக்ரமன் நெறைய்ய படங்களில் காட்டிவிட்டார். இந்த காதல் ஜோடி, காலையில் 5 மணிக்கு மெரீனா பீச், நுங்கம்பாக்கம் தாபா ஹோட்டல் என சாப்பிடும் இடங்களில் எல்லாம் காதலிக்கிறார்கள். எல்லா இடத்திலும் அனன்யாவுக்கு ஹீரோவின் சாப்பாடு ஒட்டிக் கொண்ட வாயை துடைப்பதிலேயே நேரம் போகிறது. அப்பாவின் அழுக்கு லுங்கியை கட்டிக் கொண்டதற்கெல்லாம், முத்தமா? அதுவும் பப்ளிக்கா ரத்னா ஸ்டோர்ஸில்? என்னக் கொடுமை அனன்யா இது?

பஞ்சாபி குடும்பங்களை Big BOSOM லேடீஸ், Hyundai ACCENT க்கு ஆசைப்படும் மாமனார், எல்லாவற்றிற்கும் மேல் dry fruits, பெட்ரோல் பம்ப், மார்பிள் ஃப்ளோர்ஸ்க்கு ஆசைப்படும் அம்மா என எக்கசக்கமாக ஓட்டியிருக்கிறார்.. அங்கு அனன்யா, ஹீரோவின் குடும்பத்தை கன்வின்ஸ் பண்ணும் இடமும் அக்மார்க் தமிழ்சினிமாவின் வாடை. இந்த கேப்பில், தென்னிந்திய பெண்கள் ஹேமமாலினி, ஸ்ரீதேவி போல், வட இந்திய ஆண்களை வலைவீசி வீழ்த்துவதாக சொல்வது, எக்ஸ்ட்ரா காமெடி செக்மெண்ட்ஸ். கோவாவில் ரெண்டு குடும்பத்துக்கும் சுமூகமான உறவில் விரிசல் விழ அதுவே காரணமாக இருப்பது சோக செக்மெண்ட்ஸ். இதில் ஜோடி பிரிவது எக்ஸ்ட்ரா எக்ஸ்ட்ரா சோகம்.

இதில் ஹீரோவுக்கு மெண்டல் ஸ்ட்ரெஸ் வந்து, தாடி வைத்து தேவதாஸாக மாறி அனன்யாவை சந்திக்க சென்னை வர, அங்கே அனன்யா அலட்சியமாக தூக்கி எறிய ஹீரோ சைக்கியாட்ரிஸ்ட்டிடம் ட்ரீட்மெண்ட் போகிறார். இங்கே ஹீரோவுக்கு தமிழ்பெண்களை டீல் செய்யும் வித்தை தெரியவில்லை. இப்படி மிரண்டு பிடிக்கும் அவளிடம், நேராக ஒரு ஃபிகருடன் போய் நின்று ‘இவளைத் தான் கட்டிக்கப் போறேன். நெக்ஸ்ட் வீக் கல்யாணம்” என ஒரு ஜாலியாக ‘பாய்ஸ்’ டைப் பிட்டை போட்டிருந்தால் அங்கேயே நாவல் முடிந்து இருக்கும். வேஸ்ட் ஃபெல்லோ.

தமிழின் பச்சைபச்சையான கெட்ட வார்த்தைகள் சென்னை ஆட்டோ டிரைவரிடமும் சமையற்காரரிடம் இருந்து சரளமாக விழுவது ஆச்சர்யமில்லை. அதை மெனக்கெட்டு ரெண்டு எபிசோடில் அப்படியே போட்டிருக்கிறார் சேத்தன். இதே போல் இன்னும் நாலைந்து எபிசோடில் தெளித்து இருந்தால் இலக்கிய வாடை கிடைத்திருக்கும். இலக்கியங்கள் இப்படிதான் உருவாகின்றன. மிஸ் பண்ணிட்டீங்க பாஸ். (இதெல்லாம் பொண்ணுங்களுக்கு தெரியாது என இத்தனை நாள் நினைத்து இருந்தேன்)

சாம்பார் வாசம் வீசும் சிட்டி, ரஜினிகாந்த் பவர், WAX பண்ணாத பெண்கள், கலர் கலர் சட்னி, வாழை இலை, ‘THE HINDU’ மேனியா, லஞ்சம் வாங்கும் போலீஸ்காரர் என தமிழ்நாட்டின் பாரம்பரியமான பல விஷயங்களை பாரபட்சம் பார்க்காமல் ஓட்டியிருக்கிறார். ஆனால் எல்லாம் சுவாரஸ்யமான எள்ளல். அதிலும் க்ளைமேக்ஸில் நடக்கும் மிக்கி மவுஸ் underwear கூத்து, அட்டகாசமான ROTFL வகை. அனன்யாவிற்கு பிடித்திருக்கிறது என்பதற்காக மிக்கி மவுஸ் படம் போட்ட ஆறு செட், அதை மாமனாருடன் மாத்திக் கொள்ளும் ப்ளான், மெல்லிய வேட்டி வழி வெளியே தெரிய சிறுவர்கள் ‘மிக்கி மவுஸ், மிக்கி மவுஸ்’ என கத்த, படிக்கும்போது என்னால் சிரிப்பை அடக்க முடியவில்லை.

நேரம் கிடைத்தால் படிக்க ஆரம்பிக்கலாம். படிக்க ஆரம்பித்தால் முடிக்காமல் கீழே வைக்க மனம் வராது. படித்து முடித்தவுடன் அனன்யா போல் ஒரு ஃபிகர் கிடைக்க வேண்டும் என ஆசைப்படுகிறேன்.

**************************

8 comments:

Rajalakshmi Pakkirisamy said...

//அனன்யா போல் ஒரு ஃபிகர் கிடைக்க வேண்டும் என ஆசைப்படுகிறேன்.//

Shyamla?

சின்ன அம்மிணி said...

அண்ணன் கிட்ட வாங்கி அனுப்பசொல்லி ரொம்பநாளாச்சு. வாங்கியாச்சாம். வீட்ல எல்லாரும் படிச்சுட்டுதான் அனுப்புவாங்க. ஒரு பத்து புத்தகம் வாங்கியிருக்காங்க. எல்லாத்தையும் எப்ப படிச்சு எப்ப அனுப்புவாங்கன்னு தெரியலை.

செந்தழல் ரவி said...

கலக்கல் போஸ்ட்..

Premnath said...

I didn't like the story as much as u did. Heroine's are always broad minded in Chetan's novel. But the way he writes really adds up to the reader's interest. My best picks are

1. testosterone charged, estrogen starved men.

2. developing IIT embryo & lot more.

Unmaiya sollanumna I find Ganesh - Shyamala more interesting than 2 states. [ Tamil editor la poi type panna somberi thanama irukku ]

~Prem.

கணேஷ் said...

நன்றி Rajalakshmi Pakkirisamy!

Shyamla?//

வேணாம். நான் திட்டிடுவேன் :)

************************

நன்றி சின்ன அம்மிணி

அண்ணன் கிட்ட வாங்கி அனுப்பசொல்லி ரொம்பநாளாச்சு. வாங்கியாச்சாம். வீட்ல எல்லாரும் படிச்சுட்டுதான் அனுப்புவாங்க. ஒரு பத்து புத்தகம் வாங்கியிருக்காங்க. எல்லாத்தையும் எப்ப படிச்சு எப்ப அனுப்புவாங்கன்னு தெரியலை.//

அவங்க சீக்கிரம் படிச்சிட்டு அனுப்ப சொல்லி அவங்களுக்கு தூது அனுப்பிடுறேன் :)

************************

நன்றி செந்தழல் ரவி!

நன்றி Premnath!

1. testosterone charged, estrogen starved men.
2. developing IIT embryo & lot more.//

ஆமாங்க.. இதெல்ல்லாம் எழுதணும்ன்னு நெனச்சேன். மறந்துட்டேன் :)

Unmaiya sollanumna I find Ganesh - Shyamala more interesting than 2 states. //

அய்யோ கடவுளே.. நல்லவேளை சேத்தன் ரசிகர்கள் இன்னும் இந்த கமெண்ட்டை படிக்கலை.

வொய் பாஸ் திஸ் மர்டர்வெறி? :)

************************

Shankar said...

http://www.4shared.com/file/158947146/7b0431e7/_2__Chetan_Bhagat_-_2_States_T.html?s=1

ப்ரியா said...

Quite an intensive review.
Good.

கணேஷ் said...

நன்றி Shankar!

நன்றி ப்ரியா!

Related Posts with Thumbnails