வில்லு படம் ரிலீஸ் ஆகி பத்து மாதங்கள் கழித்து வந்த படம். நடுவே ராகுல் காந்தியுடன் அசிங்கப்பட்ட அவமானப்பட்ட சந்திப்பு(அரசியல் ஆசை யாரை விட்டது?), அதற்கு மேல் தமிழக அரசிடம் கிடைத்து வந்த ஸாஃப்ட் கார்னர், ஒன் ஃபைன் டே நிறுத்தப்பட்டு காமன் மேனாகி எதிர்கொண்ட நில பிரச்சினை, சுய விருப்பமில்லாமலே ஏ.வி.எம்மினால் சன் டிவிக்கு கை மாறப்பட்ட வேட்டைக்காரன் படம், அதன் தொடர்ச்சியாக சன் பிக்சர்ஸ் ஏற்படுத்திய அவமானங்கள்(ரீ ஷூட், ப்ரிவீயூ ஷோ தகராறு) என ஏகப்பட்ட பிரச்சினைகள் நடிகர் விஜய்க்கு இந்த வருடத்தில். இது எல்லாவற்றிறுகும் மேல் அழகிய தமிழ்மகன், குருவி, வில்லு என வரிசையாக மூன்று தோல்வி படங்களுக்கு பின், கட்டாயமாக ஒரு வெற்றிப் படம் கொடுக்கப்பட வேண்டும் என்ற நிர்பந்தம். இப்படியான‌ ஏகப்பட்ட ஸ்ட்ரெஸ் நடுவினில் முழுவீச்சினில் தயாரான படம், நேற்று உலகம் முழுவதும் வெளியானது.

எப்போது விஜ‌ய் ப‌ட‌ம் ரிலீஸ் ஆனாலும், என‌க்குள் அள‌வில்லாத‌ ஆர்வ‌ம் ஏற்ப‌டும். பெரும்பாலும் முத‌ல் நாளிலேயே பார்த்துவிடுவேன். இந்த‌ முறை இர‌ண்டாவ‌து நாளில் பார்த்தேன். என்னை மிக‌வும் ஆர்வ‌ப்ப‌டுத்திய‌ விஷ‌ய‌ம், விஜ‌ய்யின் ம‌க‌ன் டான்ஸ் ஆடிய‌து. க‌ண்டிப்பாக‌ ர‌சிக‌ சிகாம‌ணிக‌ள் அவ‌ருக்கும் ஃப்ளெக்ஸ் பேன‌ர், மாலை போட்ட க‌ட் அவுட் என‌ பிர‌மாத‌ப்ப‌டுத்தியிருப்பார்க‌ள் என‌ நினைத்திருந்தேன், கூட‌வே ஓர் அடைமொழியும் எதிர்பார்த்திருந்தேன். யெஸ், நான் நினைத்த‌து ச‌ரி தான். "ஜூனிய‌ர் த‌ள‌ப‌தி" என‌ பொருத்த‌மான‌ டைட்டிலுட‌ன் சிரித்துக் கொண்டிருந்தார் ஜூனிய‌ர் த‌ள‌ப‌தி விஜ‌ய். "ஜுனிய‌ர் த‌ள‌ப‌தி" டைட்டில் ரிச‌ர்வ்டு. ஆந்திராவின் "ஜூனியர்" டைட்டில் கல்ச்சர், தமிழ்நாட்டில "ஜூனியர் சிவாஜி" என மொக்கையான ஒருவரால் பயன்படுத்தப்பட்டு மொக்கையானாலும், இன்னும் 15 ஆண்டுக‌ளில் மீண்டும் விஸ்வ‌ரூப‌ம் எடுக்க‌லாம். எடுக்கும்.

பேக் டூ வேட்டைக்கார‌ன். விஜய். முதலில் பூ போட்ட வைலட், சிவப்பு, டார்க் பச்சை என ஜிங்குச்சா கலரில் சட்டை, சுரிதாரின் டாப்ஸ், பட்டுச்சேலையின் முந்தானை, ராமராஜன் கலர் பேண்ட் வகைகளையும் முதலில் கவனமாக தவிர்க்க வேண்டும். இல்லையென்றால் ராமராஜன் ஃபீல்ட் அவுட் ஆகி 20 வருடங்கள் ஆகியும் இன்னும் சொல்வதைப் போல், மோசமான உதாரணம் ஆகிவிடுவீர்கள். அஜீத்தை ஃபாலோ பண்ணி இவரும் ஆரம்பித்துவிட்டார். நிறைய இடங்களில் இளம்தொப்பை வெளியே தெரிய ஆரம்பித்து இருக்கிறது. அதே போல் காமெடி டிராக். காமெடியும், கதைக்களத்தின் வேகத்திற்கு ஏற்ப அதுவாக அமைய வேண்டும்(உ.தா: கில்லி), கட்டாய திணிப்பாக இருக்கக்கூடாது. சச்சினில், "அண்ணே நீங்க பேர்டா'ண்ணே" என நகத்தைக் கடித்துக் கொண்டே கேட்பார். அதுவே செயற்கையாக இருந்தாலும் ரசிக்கும்படி இருக்கும். இதில் செயற்கை + ரசிக்கமுடியவில்லை. போக்கிரியில் அலட்டலாக பிரகாஷ்ராஜை டீல் பண்ணுவது நன்றாக இருக்கும். இந்த படத்திலும் மதுரை ரவுடியை டீல் செய்யும் இடத்தில் அந்த ஸ்டைலை உபயோகிக்குறார். சமீபகாலமாக விஜய்யின் படங்களில் ஒரு மோசமான விஷயம் தொடரப்படுகிறது. ஒரு மாடியிலோ அல்லது ஏதாவது உயரமான இடத்திலோ சண்டை நடந்தால், கொஞ்சம் கூட யோசிக்காமல் அங்கே இருந்து விஜய் குதித்து விடுகிறார், ஒரு சின்ன கீறல் கூட இல்லாமல். அந்த ஒரு விஷயமே, குருவி படம் எல்லாரையும் தியேட்டரை விட்டு பறக்க வைத்தது. இந்த படத்திலும் 'பறக்கும் விஷயம்' இருந்தாலும், குருவி அளவு 2 கி.மீ தூரம் இல்லை.

அனுஷ்கா. சாதார‌ண‌மாக‌ அவ‌ரைப் பார்த்தாலே, ஒரு வைப்ரேஷ‌ன் உட‌ம்பெல்லாம் ப‌ர‌வும். இப்ப‌டி இருக்க, அவரை ஏதாவது ஒரு வைப்ரேஷ‌னில்(சின்ன தாமரை பாடல் பார்க்கவும்) பார்த்தால் சாதாரணமாக வரும் வைப்ரேஷனுடன் எக்ஸ்ட்ரா வைப்ரேஷன் சேர்ந்து ஜூர‌ம் வ‌ருகிற‌து. ப‌னை ம‌ர‌ உய‌ர‌த்தில், த‌ம்மாத்துண்டு ட்ரெஸ்ஸுட‌ன் அவ‌ர் ஆடுவ‌தைப் பார்க்கும்போது குளிர் ஜூர‌ம் ஹாட்டாக‌ அடிக்கிற‌து. படத்தில் வேஸ்ட் பண்ணிவிட்டார்கள். அழ‌கான‌ பொய‌ட்டிக்கான 7/g மாதிரியான ஒரு ல‌வ் ச‌ப்ஜெக்ட் ப‌ட‌த்தில் அவ‌ர் ந‌டிக்க‌ வேண்டும். அப்படி மட்டும் அவர் நடித்தால், அத்துட‌ன் "த‌மிழ்நாடு அனுஷ்கா ந‌டிக‌ர் ம‌ன்ற"த்தில் முழுநேர‌ செய‌லாளர் ஆகிவிடுவேன்.

க‌தை. விஜ‌ய் ப‌ட‌த்தில் இதெல்லாமா முக்கிய‌ம்?

பாட‌ல்க‌ள். அனுஷ்கா வ‌ரும் எல்லா பாட‌ல்க‌ளும் அட்ட‌காச‌ம். முத‌ல் பாதியில் வ‌ரும், 'க‌ரிகால‌ன் காலைப் போல்' அருமையான‌ ப்ளேஸ்மெண்ட். இர‌ண்டாம் பாதியில் வ‌ரும், 'சின்ன‌ தாம‌ரை', 'என் உச்சி ம‌ண்டைல‌' எதிர்பாராத‌ இட‌த்தில் திணிக்க‌ப்ப‌ட்டுள்ள‌து. அத‌ற்கான‌ லீட் காட்சிக‌ளும், அலுப்பு, சலிப்பு. பெண் வேஷம்(உவ்வே?), க‌ல‌ரிங் ஹேர் ‍என்ன‌ கொடுமை விஜ‌ய் இதெல்லாம்?

ப‌ஞ்ச் லைன்ஸ். ச‌ன் டிவி ட்ரைல‌ரில் எல்லாத்தையும் போட்டுவிட்டார்கள். இதில் ஒரு கொடுமை, ட்ரைல‌ரில் பிட்டு பிட்டாக‌ வ‌ரும் நாலைந்து ப‌ஞ்ச் டையலாக் வ‌ச‌ன‌ங்க‌ள், ஒரே ஒரு காட்சியில் கோர்வையாக வருபவை.

வில்லன். சாய்குமார், ஜூவல்லரி ஷாப்பில் ஒரு பெண்ணை அப்ரோச் பண்ணும் இடத்திலேயே முழுக்கதையையும் யூகித்துவிட்டேன். ஆனால் நான் யோசித்தது, அனுஷ்காவை. ஆனால் அவர் கேட்பது, இதற்காகவே திணிக்கப்பட்ட ஒரு கண்ணாடி பெண். இடைவெளிக்கு பிறகு, அவர் எங்கே போனார் என தெரியவில்லை. அதுசரி, இதையெல்லாம் விஜய் படத்தில் தேடிக் கொண்டிருக்க முடியுமா? அடியாளாக வரும் ஒருவன், தாடியை எல்லாம் கலரிங் பண்ணி இருக்கிறான். அது யார் மெயின் வில்லன் வேதநாயகம்? செம காமெடி பீஸ். அடகுக்கடை வாசலில் உட்கார்ந்திருக்கும் சேட் மாதிரி வருகிறார் போகிறார். சத்யனைக் கொல்லும் இடத்தில் மட்டும் நிமிர்ந்து உட்கார வைக்கிறார். மற்றபடி க்ளைமேக்ஸில் மினிஸ்டர் ஆவதற்கு அவர் எடுக்கும் மூவ் எல்லாம், தேவையில்லாத ஜவ்வு.

Verdict: குருவி, வில்லு அள‌வுக்கு மோச‌ம் இல்லை. அதே ச‌ம‌ய‌ம் கில்லி, போக்கிரி அள‌வில் பாதி கூட‌ இல்லை.

நான் விஜ‌யிட‌ம் மிக‌வும் விரும்பிய‌ விஷ‌ய்ம், க‌தை செல‌க்ச‌ன். அதை நான் உண‌ர்வுப்பூர்வ‌மாக யோசித்தது திரும‌லை, கில்லி, ம‌துர‌, திருப்பாச்சி என‌ ஒரு தொடர்ச்சியாக ஹிட் ப‌ட‌ங்க‌ள் கொடுத்த‌ போது. விக்ர‌ம், சூர்யா போல‌ ந‌டிப்பில் ப‌ல‌ ப‌ரிமாண‌ங்க‌ள் த‌ன்னால் காட்ட‌ முடியாது என‌ தெரிந்தும் தொட‌ர்ந்து வெற்றிப் ப‌ட‌ங்க‌ளைக் கொடுப்ப‌து சாதார‌ண‌ காரிய‌மில்லை. அதற்கு காரணம் க‌தை செல்க்ச‌ன் என‌ நினைத்திருந்தேன். இந்த‌ 'நினைத்திருந்தேன்'னில் என் எண்ண‌ம் த‌வ‌று என‌ நீங்க‌ள் நினைக்கலாம். இதை மாற்ற‌ வேண்டிய‌ பொறுப்பு, விஜ‌ய்யிடம் ம‌ட்டும் தான் உள்ள‌து. அது தான் என்னை போன்ற‌ ர‌சிக‌ர்க‌ள் அவ‌ரிட‌ம் எதிர்பார்ப்ப‌து.

***********************************************

20 வயதுக்குள்ளான நான்கு இளைஞர்கள் OR சிறுவர்கள். இவர்கள் கொலை, கொள்ளை, ஆள்கடத்தல் வழக்குகளில் அடிக்கடி ஜெயில் வந்து செல்லும் ரெகுலர் விசிட்டர்ஸ். காவலர்களையே மிரட்டி அதட்டும் அளவுக்கு தைரியசாலிகள். இந்த க்ரூப்பில் புதிதாக ஒருவன் வருகிறான். அப்பா, அம்மாவை நடுரோட்டில் சாகடித்தவனை, கத்தி எடுத்துபோய் கொல்லமுடியாமல் ஜெயில் வந்து சேர்ந்த அப்பாவி. சந்தர்ப்ப சூழ்நிலை காரணமாக, அந்த நான்கு பேருடன் சேர்ந்து ஐந்தாவது ஆள் ஆகிறான்.

ஜெயிலில் இருந்து தப்பித்து மும்பை போக முயற்சி செய்து பாதி வழியிலேயே இறங்கி ரேணிகுன்டாவில் செட்டில் ஆகிறார்கள். அங்கு அப்பாவிக்கு மலரும் காதல். முடிவில் ரத்தக்களரியான க்ளைமாக்ஸ். கேட்பதற்கு சாதாரணமான கதை என்றாலும், அவர்கள் ப்ரெஸன்ட் பண்ணவிதம், அட்ட‌காசம்.

வழக்கமாக பார்த்த சலித்த நடிகர்கள் இல்லாமல் அனைவரும் புது முகம். அந்த ஐந்து பேரையும் எங்கே இருந்து பிடித்தார்கள் என்று தெரியவில்ல. 'அப்பாவி' மாதிரியான பையன் தான் ஹீரோ('நிக் ஆர்ட்ஸ்' எஸ்.எஸ்.சக்கரவர்த்தி மகன்?) என்று நினைக்கிறேன். அவனுக்கு மட்டும் தான் காதல், ஹீரோயின் என தனி எபிசொட் எல்லாம் இருக்கிறது. காதல் காட்சிகளிலும், முகத்தை ஒரு மாதிரி இறுக்கமாக வைத்திருப்பது ஏனோ? முதலில் அந்த பசங்களுடன் ஒட்ட முடியாமல் தவித்து, க்ளைமேக்ஸுக்கு முன்னால் இரண்டு பேரை கொல்லும் இடத்தில் முகத்தில் ரியல் ரௌத்திரம் தெறிக்கிறது.

கால்கள் X மாதிரி வளைந்த குள்ளமான 'டப்பா' கேரக்டரின் டயலாக் டெலிவரி, டைமிங் கமெண்ட்ஸ், சூப்பர். படத்தின் செமத்தியான என்டெர்டெயின்மென்ட் அவர். அதிலும் க்ளைமேக்ஸில் போலீஸிடம் மாட்டிய போது, அவர் முகத்தில் தெரியும் மரணபயம், அருமையான நடிப்பு.

கொஞ்சம் குண்டாக, வளர்ந்த 'பாண்டு' கேரக்டர், இந்த க்ரூப்பின் தலைவன் ரோலுக்கு நல்ல பொருத்தம். ஹீரோவின் காதலுக்காக, கடைசி அசைன்மென்டில் அவனை தள்ளி நிற்க சொல்வது, ஹீரோயின் அக்காவிடம் அவனுக்காக பேசுவது என நெஞ்சில் நிற்கிறார்.

ஹீரோயின் அக்காவின் பாத்திரப்படைப்பு, டைரக்டரின் அசாத்திய துணிச்சல். முதல் படத்திலேயே, இப்படி ஒரு கேரக்டரை உலவ விட்டதற்கு 'தில்' வேண்டும். ஆனால் அவர் ஹீரோயினை ஏன் வாய் பேச முடியாமல் வைத்தார் என தெரியவில்லை.

பெற்றோரைக் கொன்றவனை நடுரோட்டில் கத்தியை எடுத்து நெஞ்சில் குத்தும்போதும், ரேணிகுன்டா அரசியல்வாதியைக் கொன்றதை, ஒருவனிடம் 'டெமோ' காட்டியபோதும் என்னையும் அறியாமல் கைதட்டினேன், ரசித்தேன். என் ரத்தத்திலும் வன்முறை அதிகமாக இருக்கிறது என நினைக்கிறேன்.

ஹீரோவின் பாய்ண்ட் ஆஃப் வியூவில் தான் கதை நகர்கிறது. அவரின் மோசமான, சந்தோஷமான‌ சம்பவங்களின் போது, மழையையும் கையோடு கூட்டி சென்றது, கவிதை.

காதல் காட்சிகளின்போது, லைட்டாக போர் அடித்தது. அதே போல் பாடல்களும். முதலில் வரும் சிம்பு பாடிய 'மாட்டுத்தாவணி' பாடல் மட்டும் ஓ.கே.

க்ளைமேக்ஸ், வழக்கமான ரவுடியிஸ படங்களில் வரும் ஒன்று தான்.

மொத்ததில் இந்த படம், எனக்கு பிடித்து இருந்தது. 'ஈரம்' படத்திற்கு அடுத்து நீண்ட இடைவெளிக்கு பிறகு வந்த உருப்படியான ஒரு திரைப்படம்

*****************************************************

ஒரு நாட்டின் தலைவரை, அந்நாட்டு ராணுவமும், மக்களும் 42 தடவை கொலை செயவதற்கு முயற்சி செய்துள்ள்ளார்கள். ஆனாலும் அவர் சாகவில்லை. ஒரு கட்டத்தில் அவரே தற்கொலை செய்துகொண்டார். இந்த மோசமான புள்ளியியல் தகவலுக்கு சொந்தக்காரர் இரண்டாம் உலகப்போரில் கெட்ட அடி வாங்கிய ஜெர்மனியின் சர்வாதிகாரி, அடால்ஃப் ஹிட்லர். இந்த 42 முயற்சிகளிலும், ஹிட்லர் மோசமாக அடிபட்டு, கிட்டத்தட்ட சாவை பக்கத்தில் பார்த்துவிட்டு திரும்பிய ஆபரேஷன் தான் "VALKYRIE". (பைக் ஆக்சிடென்ட் ஆகிறதுக்கு முன்னால, படம் பார்த்தேன்னு சொன்னேன்ல, அது இந்த படம் தான்). இது முழுக்க முழுக்க, ஹிட்லரின் நாசிப்படை தளபதிகளால் திட்டமிடப்பட்டு, நடத்தப்பட்ட அட்டாக்.

டாம் க்ரூஸ், இந்த திட்டத்தின் போர்ப்படை தளபதி. மற்றபடி வேறு யார் யார் நடித்தார்கள் என்று தெரியவில்லை. ஹிட்லராக நடித்தவரின், பாடி லாங்குவேஜ் அசத்தலாக இருந்தது. அந்த குறுமீசையும், "இந்தியன்" தாத்தா மாதிரி ஹேர் ஸ்டைலும், கொஞ்சம் தளர்வாக நடக்கும் நடையும் அற்புதம்.

நாசி படைகள், ஆஃப்ரிக்காவில் நடக்கும் போரில் இருந்த போது, அங்கு இருந்த டாம் க்ரூஸ் எதிரி நாட்டு படைகளால், மிகவும் கொடுமையான முறையில் தாக்கப்பட்ட சம்பவத்தில் இருந்து படம் ஆரம்பிக்கிறது. அந்த சண்டையில் அவரது வலது கையின் முன்பகுதி முழுவதும் சிதைந்து விடுகிறது, இடது கண்ணிலும் முழுமையாக பார்வை போய் கண்ணையே எடுத்து விடும் அளவுக்கு அடி. அந்த நேரத்தில், சிறுபிள்ளைத்தனமான தலைவரால், நாசி படை வீரர்கள் தினமும் இப்படி இறக்க வேண்டி இருக்கிறதே என்று ஃபீல் பண்ணி "VALKYRIE" என்னும் திட்டத்தை தீட்டுகிறார்.

அதாகப்பட்ட திட்டம் என்னவென்றால், ஜெர்மனிக்கு எமர்ஜென்சி சூழ்நிலை ஏதாவது வந்துவிட்டால், நம்மிடம் இருக்கும் ரிசர்வ் ராணுவப்படையை பயன்படுத்தி முக்கிய நகரங்களான பெர்லின், முனீச் இடங்களில் உள்ள ராணுவ தலைமை இடங்களை பாதுகாத்துக் கொள்ளவேண்டும். எமர்ஜென்சி சூழ்நிலை என்றால், ரஷியப்படைகள் ஜெர்மனியை சுற்றிவளைத்துவிட்டாலோ அல்லது வேறு நாட்டு படைகள் உள்ளே புகுந்துவிட்டாலோ, இதுவும் இல்லை ஒருவேளை ஹிட்லரே இறந்துவிட்டாலோ, இந்த அவசர திட்டம் அமல்படுத்தப்படும். இது தான் VALKRYIE ஆபரேஷனின் சாராம்ஷம். அப்படி இப்படி என்று ஏதேதோ பேசி ஹிட்லரையே கன்வின்ஸ் பண்ணி, அவரை இந்த ஆபரேஷன் பேப்பர்ஸில் கையெழுத்து போட வைத்து விடுவார்கள்.

இந்த திட்டத்தில், டாம் க்ரூஸ் உள்ளிட்டோர் டார்கெட் பண்ணிய பாயிண்ட், ஹிட்லர் இறந்தாலும், VALKRYIE ஐ நடைமுறைப்படுத்தலாம் என்பதே. அதற்காக கிழக்கு ஜெர்மனியின், ரஷ்ய எல்லைப்பகுதியில் நடக்கும் ரகசிய மீட்டிங்கில், அவரை தீர்த்துக்கட்ட பிளான். அதற்காக டெட்டனேட்டரில் டைமர் செட் பண்ணி வெடிக்க வைப்பதாக திட்டம். முதல் முயற்சியில், இத்தாலியின் முசோலினி எதிர்பாராதவிதமாக வந்து விடுவதால், அத்திட்டம் தோல்வியில் முடிகிறது. அதற்கடுத்த வாரமே (ஜூலை 20, 1944), நடக்கும் மீட்டிங்கில் அவர்களின் திட்டம் வெற்றியில் முடிகிறது. நாடு முழுவதும் எமர்ஜென்சி அமல்படுத்தப்படுகிறது. ஹிட்லர் ஆதரவாளர்கள் அனைவரும் சிறையில் அடைக்கப்படுகிறார்கள். ஆனால் அதிர்ஷடவசமாக(துரதிருஷ்டவசமாக) ஹிட்லர் பெரும் காயங்களுடன் தப்பித்துவிடுகிறார். இந்த உண்மையெல்லாம்(அதாவது ராணுவ தளபதிகளின் ரகசிய திட்டம்) ஜெர்மனி மக்களுக்கு தெரிய வரும்போது, அவர்கள் அனைவரும் கைது செய்யப்பட்டு, ராணுவ வீரர்களால் கைது செய்யப்பட்டு நடுரோட்டில் வைத்து சுட்டுக் கொல்லப்படுகிறார்கள்.

(இந்த படத்தின் கதையை சொல்வதற்குள், தாவு தீர்ந்துவிட்டது. இதற்கப்புறம் விமர்சனம் வேற. அடப்போங்கப்பா..என்னடா பெரிய‌ ஹாலிவுட் படம்.. இனிமே தமிழ் சினிமா மக்களை பார்த்தாவது கதையே இல்லாமல் மூணு மணிநேரம் எப்படி ஓட்டுவது என்று தெரிஞ்சிக்கோங்க..)

படம் முழுவதும் டாம் க்ரூஸ், ஒரு கண்ணை மூடியபடி வருகிறார். ஹிட்லரை பார்த்து பேசும்போது மட்டும், செயற்கை கண்ணை எடுத்து கண்ணின் குழிக்குள் பொருத்தி நார்மல் மனிதன் போல் இருக்கிறார். தலையே திருப்பும்போது அந்த கண்ணின் கருவிழிகள் நகராமல், அது செயற்கை கண் என்று உணர்த்தும்படி சிறப்பாக செய்துளார்கள். ஹிட்லரின், ப்ரைவேட் பங்களா இருக்கும் இடம் அட்டகாசம். இது ஒரு பீரியட் ஃபிலிம் என்பதை ஆங்காங்கே நியாபகப்படுத்துகிறார்கள். டிரங்க் கால்ஸ், மெகாஃபோனில் பாட்டு கேட்பது, மை பேனாவில் கையெழுத்து போடுவது, தந்தி அடித்து ராணுவ ரகசியங்கள் அனுப்புவது என்று ஓரளவு நம்மை அந்த காலத்துக்கு இழுத்து செல்கிறார்கள்.

ஹிட்லரை கொலை செய்யும் அந்த இடம், நல்ல பரபரப்பான க்ரைம் நாவலுக்கான உண்டான விறுவிறுப்பு. டெட்டனேட்டரை ஆன் செய்த ஹேண்ட் பேக்கை மீட்டிங் ஹாலில் ஹிட்லர் கால் அருகில் விட்டு விட்டு, டாம் க்ரூஸ் அந்த இடத்தை விட்டு எஸ் ஆவதும், பின்னர் மீட்டிங்கில் ஒரு கட்டத்தில் ஹிட்லர் கோபமாக மேஜையைக் குத்த அவர் காலடியில் இருந்த பேக், கீழே விழுவதும், அதை அருகில் அமர்ந்து இருப்பவர், தூரத்தில் தூக்கி வைப்பதும் தான், ஹிட்லர் உயிர்பிழைத்ததற்கு காரணம்.(என்பதை படம் முடிந்தவுடன் தான் உணர்வீர்கள்). அங்கிருந்து காரில் செக்போஸ்டை டாம் க்ரூஸ் கடந்து வரும் வரையில் அந்த பரபரப்பு பின்னி எடுக்கிறது.

வழக்கமான இங்க்லீஷ் படத்தில் வரும் சண்டை, கிஸ், பெட்ரூம் சீன், blah, blah எதுவும் இந்த படத்தில் இல்லை. ஸோ, அப்பீட் ஆயிருங்க.(ஏமாந்தவன் சொல்றேன், கேட்டுக்கோங்க) பீட்டர் பீட்டர் மற்றும் பீட்டர் ஒன்லி. மக்கா, பேசிகிட்டே இருக்காய்ங்க.. சப் டைட்டில், இல்லாமல் படம் பார்த்தால் ஒன்றும் புரியாமல், பக்கத்து வீட்டு எல்.கே.ஜி படிக்கும் பாப்பாவிடம் கேட்டு தெரிந்து கொள்ள வேண்டி இருக்கும். மேலும் ஹிஸ்டரி கொஞ்சம் தெரிஞ்சி இருக்கணும். உஷார். (சத்யம் தியேட்டரில், சப்டைட்டில் போட மாட்டாங்களா??????????)

**********************
கொசுறு: இந்த சம்பவம் உண்மையிலே நடந்தபோது, தப்பித்த ஹிட்லரின் கிழிந்துபோன பேண்ட். மனுஷன், எவ்வளவு அடிவாங்கியிருக்கார்னு பாருங்க.

Thanks: WIKIPEDIA

..

நேற்று இரவில் இருந்தே எதிர்பார்ப்பு. நைட் படத்துக்கு எதுக்கும் போக வேண்டாம், லைவ்வாக பார்க்கலாம் என்று ரூம்மேட் ஐடியா கொடுத்தான். எப்படியும் 22 ஆம் தேதி அமெரிக்காவில் இரவு நேரத்தில் விருது வழங்குகிறார்கள். ஸோ, எப்படியும் நம் காலை நேரத்தில் தான்டா அவார்டு ஃபங்ஷன் என்று திடீர் ஐடியாவைக் கொடுக்கவும், எல்லாரும் நைட் படத்துக்கு போகலாம் என்று கோரஸாக முடிவு பண்ணினோம். உதயத்தில் டிக்கெட் கெடைக்காது என்ற எங்களின் எதிபார்ப்பில், எதிர்பாராமல் அடி விழுந்தது. 9 மணிக்கு செல்லும்போதும் கவுண்டரில் கூப்பிட்டு கூப்பிட்டு டிக்கெட் கொடுத்தனர். உதயத்தின், பிளாக் டிக்கெட் கல்ச்சர் பத்தி தான் தெரியுமே!!! ஒருவேளை, பிளாக்கில் விற்பவர்கள் தான், கவுண்டரில் சாவகாசமாக துணிச்சலுடன் உட்கார்ந்து விற்கிறார்களோ என்ற பயம், டிக்கெட் விலையைக் கொடுத்தே டிக்கெட் வாங்கும் வரை இருந்தது.

நாங்கள் பார்த்த படம், சத்தியமாக என் நினைவில் இல்லை. நாங்கள் டிக்கெட் வாங்கும்போதும், "டாக்ஸி" என்று சொல்லி தான் வாங்கினோம். படத்தின் பெயர், "தநா 01 அல 4777" ஆக இருக்கும் என்று நினைக்கிறேன். நல்ல தமிழில் பெயர் வைக்கிறேன் பேர்வழிகள் என்று சொல்லி வாயில் நுழையாமல் இப்படியா பேர் வைக்க வேண்டும். ஆக நான் இந்த படம் பார்த்துவிட்டேன். ஸோ, விமர்சனம்.. பசுபதிக்காக இந்த படத்தை பார்க்கலாம். ஆத்திச்சூடி ரீமிக்ஸ்(என்ன கொடுமை சார் இது?) பாட்டில் இவர் ஆடும் குத்தாட்டத்தை பார்க்கும்போது, இன்னும் ஏன் எந்த புண்ணியவான் டைரக்டரும் ஏதாவது ஒரு பாட்டில் இவரை ஆடவைக்கவில்லை என்று தெரியவில்லை.

12 மணிநேரத்தில் நடக்கும் கதை தான். பசுபதியைத் தவிர வேற எந்த கேரக்டரும் டிரெஸ் சேஞ்ச் கூட பண்ணவில்லை. :( க்ளைமேக்சில், பசுபதி, அஜ்மலின் மனமாற்றம் தெளிவாக பதிவு செய்யப்பட்டுள்ளது என்று எனக்கு தோன்றுகிறது. சில இடங்களில் கொட்டாவியும், அட போங்கடா என்றும் சொல்ல வைக்கிறார்கள். நடுநடுவில் பசுபதியின் அக்மார்க் நடிப்பும், டைமிங் காமெடியும் ரசிக்க வைக்கிறது. சிம்ரன், நோ கமெண்ட்ஸ். 4 வருஷத்துக்கு முன்னால், எப்படி எல்லாம் ரசித்த ஃபிகர். பெருமூச்சு மட்டும் இப்போது.

ஹாலிவுட் பட ரேஞ்சில், இந்த படம் சரியாக 1 மணிநேரம் 51 நிமிடம் மட்டுமே. இடைவேளையும் சேர்த்தால் இரண்டு மணிநேரம். இப்படி படம் எடுத்து, டூவீலர் பார்க்கிங்கில் என் வண்டியை எடுக்க விடாமல் அரை மணிநேரம் வெயிட் பண்ண வைத்து சதி பண்ணிவிட்டார்கள். :(

*******

படம் பார்த்து விட்டு வந்தும் CNN டி.வியை பார்த்தால் மறுநாள் காலை 7 மணியில் இருந்து லைவ் கவரேஜ் என்று சொல்லி அவர்கள் கடையை மூடி கல்லா கட்டி விட்டார்கள். காலையில் சாவகாசமாக 9 மணிக்கு எழுந்து, விழுந்து அடித்துக் கொண்டு டி.வியை ஆன் பண்ணினால், Slumdog க்கு 2 விருதுகள் மட்டும் என்று ஃப்ளாஷ் ஓடிக் கொண்டிருந்தது. எதில் லைவ்வாக போடுகிறார்கள் என்று தேடிய போது StarMovies ல் ஓடிக் கொண்டிருந்தது.

ஏ.ஆர்.ரகுமான் பெயரை சொல்லும்போது, சொன்னால் நம்ப மாட்டீர்கள்.. ரூமில் தூங்கி எழுந்து பார்த்த அனைவரும் கைதட்டி மகிழ்ந்தோம். அதுவும் தமிழில், "எல்லா புகழும் இறைவனுக்கே" என்று சொல்லும்போது, ஓவென்று கத்தி விட்டோம். அந்த அரங்கில் இருக்கும் யாருக்கும், ஏன் Slumdog டீமுக்கே அதற்கு என்ன அர்த்தம் என்று தெரியாது. டீமையும் விடுங்கள். இந்தியாவில் இருக்கும் யாருக்கும் தெரியாது, தமிழ் தெரியும் 6 (7?) கோடி தமிழர்களுக்கும், வெளிநாட்டில் வாழும் புலம்பெயர்ந்த தமிழர்களுக்கும் மட்டும் புரிந்த, தெரிந்த வார்த்தை. அது தான் ஏ.ஆர்.ஆர். தமிழர்களுக்கு கிஃப்ட்டாக கொடுத்த பரவசம். பின்னர் வழக்கம்போல "ஜெய் ஹோ" பாடலை அவர் குரலில் அங்கு ஒலிக்க, நாம் கேட்பதும் இனிமையான பரவச நிமிடங்கள்.

தமிழ்நாட்டில் ஏதாவது சினிமா விழாக்களில், இங்க்லீஷில் பேசுவதை ஸ்டைலாகவும், பெருமையாகவும் நினைக்கும் ஸ்ரேயாக்களுக்கும், த்ரிஷாக்களுக்கும் கொடுத்த மூக்குடைப்பு. கீழே உள்ள ஃபோட்டாவில் ஸ்டைலாக போஸ் கொடுக்கும் ஏ.ஆர்.ஆரை பார்க்கும்போது எனக்கு தோன்றிய கமெண்ட். இவருக்கு ஏன் ரெண்டு கை இருக்கிறது? இரண்டுக்கு பதிலாக மூன்றோ, நான்கோ இருந்தால் அதிலும் ஆஸ்கரை வென்று ஸ்டைலாக போஸ் கொடுத்திருக்கலாமே?(என்ன ஒரு முட்டாள்தனமான கமெண்ட்?)


*******

ஆஃபிஸில் எங்க மேனஜரின் புண்ணியத்தில், அதிர்ஷ்ட குலுக்கலில்(Raffle, கரெக்ட் தான?) 500 ரூபாய்க்கான லேண்ட் மார்க்கில் பர்சேஸ் பண்ணுவதற்கான‌ கிஃப்ட் கூப்பன் கிடைத்துள்ளது. நல்ல புக்ஸ் வாங்குவதற்கு ஐடியாக்களும், பரிந்துரைகளும் வரவேற்கப்படுகின்றன. இல்லை, கூப்பன் தான் வேண்டும் என்று யாராவது அடம்பிடித்தால், அவர்களுக்கு இலவசமாக வழங்கப்படும். ***Conditions Apply.

டிஸ்கி: ச்சே, Cash ஆக கொடுத்து இருந்தால், நைட் "SIGNATURE"க்கும் சைட் டிஷ்க்கும் பயன்பட்டிற்கும். ஆஃபிஸ் புண்ணியவான்கள் கெடுத்து விட்டார்கள்.

(யாருக்காவது இலவசமாக வேண்டும் என்று என்னிடம் கேட்க நினைப்பவர்கள், டிஸ்கியையும், Conditions Apply யையும் பார்த்துவிட்டு, யோசித்து கேட்கவும்.)

*******

"நான் கடவுள்" சினிமா போன்று தமிழ் சினிமாவின் தற்போதைய சீரியஸ் சூழ்நிலைக்கு ஜாலியான ரிலீஃப். லைஃப்ல எதையும் சீரியஸா எடுத்துக்காத ஆனா ஃபிகர்கிட்ட மட்டும் மல்லுக்கு நிற்கும் ஒருவன், லைஃப்ல எல்லாவற்றையும் சீரியஸா எடுத்துக் கொள்ளும் ஜாலி கேலியான பெண், என இவர்கள் இருவருக்கும் இடையே நடக்கும் முழுநீள காதல் ஹார்மோன்களின் சடுகுடு.

படத்தின் முதல் காட்சியில் இருந்தே இருவரையும் மோத விட்டு இருக்கிறார்கள். யூசஃப் பதான் பேட்டில் மாட்டிய பந்துகள் பவுண்டரி லைனுக்கு தெறிப்பதுபோல், முதல் பாதி முழுவதும் இளமை சிக்ஸர்கள் தான். புரொஃபஷனல் கூரியரில் வேலை பார்க்கும் ஜீவாவுக்கும், ஹலோ FM ல் RJவாக இருக்கும் அனுயாவிற்கும் ரொம்ப கச்சிதமான ரோல். ஹீரோயின் ஒரு சாயலில் பாடகி சின்மயியை நியாபகப்படுத்துகிறார். இவர் ஜீவாவை டீலில் விட்டு சுத்த விடும் இடங்களிலும், டென்ஷன் ஆகி முறைக்கும்போது, இவர் நாள் முழுவதும் பார்த்துக் கொண்டே இருக்கலாம் என்று ஜொள்ளுவிட வைக்கிறார். ஸ்லீவ்லெஸ் டாப்ஸ், ஜீன்ஸ் தான் படம் முழுவதும் இவரோட காஸ்ட்யூம்.

டாஸ்மாக்கில் தினமும் அட்டென்டன்ஸ் போடுவதை ஒரு கொள்கையாவே வைத்துக் கொண்டு, அரைகுறை பீட்டர் இங்கிலீஷில் ஹீரோயினுக்கு பிராக்கெட் போடுவதை முழுநேர தொழிலாக வைத்து படம் முழுவதும் காமெடியில் பின்னுகிறார். அதுவும் ரிஜிஸ்டரர் ஆஃபிஸில் எல்லாரையும் அடித்து துவைத்துவிட்டு அவர் சொல்லும் காரணம் "அட, அட, இவன் நம்ம கேட்டகிரி" என ஃபீல் பண்ண வைக்கிறார்.

செல்ஃபோனை உடைத்து ந‌ண்ப‌னுடைய‌ காத‌லுக்கு ஹெல்ப் ப‌ண்ணும் இட‌ங்க‌ளில் ச‌ந்தான‌ம் எக்ஸ்ப்ர‌ஷ‌னில் பின்னுகிறார். ஹீரோ, ஹீரோயின் ரெண்டு பேரும் குடும்ப‌மும் லூசு மாதிரி காட்டி இருக்கிறார்க‌ள். ஆசைஆசையாக பர்த்டேக்கு கேக் ரெடி பண்ணி, ரொம்ப எமோஷனலாக பேசும் பெண்ணை ஒட்டு மொத்த குடும்பமே காமெடி பண்ணி கலாசும் இடம் அருமை. அதற்காக அவள் வருந்தி சென்றபின் வரும் இன்டெர்வெல் முடிச்சும் அருமை.

"கிங்க்ஃபிஸர் 20 மினிட்ஸ் லேட், பாண்டிச்சேரி சரக்கு பார்சல், வீட்டுக்குள் வந்து சிகரெட்டை போட்டுக் கொடுப்பது" என முதல் பாதியில் இருந்த அருமையான ட்ராக்கை, இரண்டாம் பாதியில் முழுவதுமாக கோட்டை விட்டுள்ளனர். உட்கார்ந்திருக்கும் எல்லார் சீட்டிலும் வேட்டு வைக்கிறார்கள்.

இந்த இளமை பேக்கேஜுக்கு யுவன் இல்லாமலா? சரோஜாவிற்கு பின் இதிலும் பின்னியுள்ளார். "ஒரு கல், ஒரு கண்ணாடி" பாடல் என்னுடைய ஃபேவரைட். "ஜெய் போலே நாத்" என அடித்தொண்டையில் உறுமிய ஆரியா, மீண்டும் ஹேண்ட்சம் மாப்பிள்ளையாக ஒரு சீனில் வந்து போகிறார்.

ஹீரோயினுக்கு ஹீரோ நாலு பேருடன் சண்டை போட்ட‌வுட‌ன் காத‌ல் வ‌ருவ‌து, பாட‌ல்க‌ளில் குத்துவிள‌க்கு மாதிரி இருக்கும் ஹீரோயினுடைய‌ நீ....ண்ட‌ கால்க‌ளையும், இடுப்பையும் ந‌ம்பி இருப்ப‌து விகட‌னும் க‌ம‌ர்ஷிய‌ல் ஐயிட்ட‌ங்க‌ளை த‌விர்க்க‌ முடியாம‌ல் திண‌றுவ‌து தெரிகிற‌து.

ஜீவாவின் நல்ல‌ ம‌ன‌தை, ஹீரோயின் புரிந்து டாஸ்மாக்கில் வ‌ந்து அழுத‌ உட‌னே ப‌ட‌த்தை முடித்து இருக்க‌லாமே.. அதை விட்டு விட்டு கோயில், க‌ல்யாண‌ம், கிஸ், ஃப‌ர்ஸ்ட் நைட், பாடல், அழுதுகொண்டே காமெடி பண்ணும் க்ளைமேக்ஸ் என ஜவ்வாக இழுத்துக் கொண்டு... தேவையே இல்லை. கொஞ்ச‌ம் க‌வ‌னித்து இருக்கலாம். இருந்தாலும் அந்த‌ கிஸ் அட்ட‌காச‌ம். ஹி ஹி கொஞ்ச‌ம் ஜொள்ளு.

சிவா ம‌ன‌சுல‌ ச‌க்தி - முத‌ல் பாதி இள‌மை காக்டெயில், இர‌ண்டாம் பாதி மொக்கைச் சாமி

******************

சமூகத்தால் விரும்பப்படாத, நிராகரிக்கப்பட்ட, அந்த இடத்தில் தன்னை வைத்து நினைத்து கூட பார்க்க விரும்பாத‌ இரு வேறுபட்ட மக்களின் வாழ்க்கையை பாலா, இளையராஜாவுடன் சேர்ந்து செதுக்கி இருக்கும் படம்.

எல்லாரும் சொல்வதுபோல் ஆர்யாவுக்கு சேது, பிதாமகனில் விக்ரமுக்கு கிடைத்த மாதிரியோ, நந்தா, பிதாமகனில் சூரியாவுக்கு அமைந்த மாதிரியோ நடிப்பின் உச்ச‌த்தை தொடும் அள‌வுக்கு வேலையில்லை. உண்மை தான். ஆனால் இந்த‌ ப‌ட‌த்தில், காசியில் வாழ்ந்த‌ அகோரிக்கு பெரிதாக‌ ந‌டிப்ப‌த‌ற்கு என்ன‌ ஸ்கோப் இருக்க‌ முடியும்? சொந்த‌ ப‌ந்த‌ங்க‌ள், சாதார‌ண‌ ம‌னித‌ன், கோப‌க்காரன் போன்ற‌ கேர‌க்ட‌ருக்கு வாழ்வின் ஏதாவ‌து ஒரு ச‌ம‌ய‌த்தில் உண‌ர்வை கொட்டி ந‌டிக்க‌ வேண்டி இருக்கும். வாழ்வில் ப‌ற்ற‌ற்ற ச‌ந்நியாசி, த‌ன் ம‌ன‌தில் க‌ட‌வுள் என்று நினைத்துக் கொண்டிருக்கும் ஒருவ‌னுக்கு வேறு என்ன‌ ந‌டிப்பில் வேரியேஷ‌ன் காட்டி ந‌டிக்க‌ முடியும்?

பாலாவுடைய இந்த‌ ப‌ட‌த்தின் பெஞ்ச் மார்க், அவ‌ரின் முந்தைய‌ ப‌ட‌ங்க‌ள் தான். இவ‌ரின் முந்தைய‌ ப‌ட‌ங்க‌ளின் பெரிய‌ ப்ள‌ஸ், க்ளைமேக்ஸ் சீன் லாஜிக் ஜ‌ஸ்டிஃபிகேஷ‌ன். ஆனால் இந்த‌ ப‌ட‌த்தில் எல்லாரும் சொல்வ‌து போல் அது மிஸ்ஸிங். அப்புற‌ம் சொல்வ‌து ஸ்கிரீன்ப்ளேயின் தொய்வு. இதில் என‌க்கும் சிறிது ஏமாற்ற‌மே. இர‌ண்டாம் பாதியில் ஒரு மாதிரி Non-Linear ஆக‌ இருக்கிற‌து. ஒரு ப‌ட‌ப‌ட‌ப்பு மிஸ்ஸிங்.

ஜெயமோக‌ன் ப‌ற்றியும், அவ‌ர் எழுத்துக்க‌ளும் என‌க்கு அவ்வ‌ள‌வாக‌ ப‌ரிச்ச‌ய‌ம் இல்லாத‌தால் நுண்ண‌ர‌சிய‌ல், பின்ந‌வீன‌த்துவ‌ம் என்று எதுவும் நினைவுக்கு வ‌ராம‌ல், வ‌ச‌ன‌ங்க‌ளை ர‌சித்தேன். அந்த‌ குட்டிப்பையனின் டைமிங் ப‌ஞ்ச், சான்ஸே இல்லை.

பூஜாவுக்கு, லைஃப் டைம் அச்சீவ்மென்ட் ரோல். ஆர‌ம்ப‌காட்சிக‌ளில் அவ‌ருக்கு ட‌ப்பிங்(அவரோட வாய்ஸ் தான்) பொருந்த‌வில்லை. ஆனால் போக‌ போக‌ பின்னியிருக்கிறார். அதிலும் அந்த‌ க்ளைமேக்ஸ், பின்னீட்டாங்க‌. அருமையான‌ ஸ்கோர். இவ‌ர் பாட்டு பாடும் போது, பின்ண‌ணியில் ஒரிஜின‌ல் ட்ராக்கை விட்ட‌து நெருட‌ல். அதிலும் "தாயிற் சிறந்ததோர் கோயிலுமில்லை" என்ற‌ சுந்த‌ர‌ம்பாள் பாட்டிற்கு அவ‌ர் வாய‌சைப்ப‌து கெட்ட‌ காமெடி. க‌வ‌னித்து இருக்க‌லாம்.

ப‌ட‌ம் முழுவ‌தும் இழையோடும் காமெடி, ப‌ட‌த்தின் பெரிய‌ ப்ள‌ஸ். இங்க்லீஷ் ப‌ட‌ங்க‌ளில் கிராஃபிக்ஸ் முக‌த்தோடு வ‌ரும் வில்ல‌ன்க‌ள் மாதிரி, ஒருவ‌ரை தேடிப் பிடித்து இருக்கிறார்க‌ள். பாதி உடைந்து போன‌ மூக்கும், வெளியே நீட்டிக் கொண்டிருக்கும் க‌ண்க‌ளும், கோணிக் கொண்டிருக்கும் வாயும், மொத்த‌த்தில் ச‌கிக்க‌வே இல்லை. ந‌ல்ல‌வேளை, ஒரு த‌ட‌வை கூட அவ‌ர் முக‌த்தை முழுமையாக‌ காட்ட‌வில்லை. பாதி பார்த்த‌த‌ற்கே இன்னும் ஒரு மாதிரி இருக்கிற‌து.

இளைய‌ராஜாவை ப‌ற்றி புக‌ழ்ந்து சொல்லிக் கொண்டே இருக்க‌லாம். அவ‌ரின் இரு பாட‌ல்க‌ளை ப‌ட‌த்தில் பார்க்க‌முடியாம‌ல் போன‌து வ‌ருத்த‌மே. பேக்ர‌வுண்ட் ஸ்கோர் பெரும் அதிர்வைக் கொடுத்த‌து.

எனக்கு இந்த படம் மிகவும் பிடித்து இருந்தது. இரண்டு நாட்கள் மனதில் ஓடிக் கொண்டிருந்தது. ஆனால் எல்லாரும் விரும்பி பார்க்கக்கூடிய படமா என்று கேட்டால் எனக்கு தெரியவில்லை. யார் யாருக்கெல்லாம் "சகிப்புத்தன்மை" அதிகமாக இருக்கிறதோ, அவர்கள் தாராளமாக பார்க்கலாம். அதேபோல் பாலா ஸ்டைல் ஃபிலிம் மேக்கிங் பிடித்தவர்கள், கன்னாபின்னாவென்று ரசிக்கலாம். ஆச்சரியமாக, நான் இந்த ரெண்டு கேட்டகிரியிலும் இருப்பதால் எனக்கு பிடித்து இருந்தது. மற்றவர்கள் ஒதுங்கிக் கொள்ளலாம். (அப்புறம் குத்துதே, குடையுதேன்னு சொல்றது யூஸ்லெஸ்!)

ஒரு கிராமத்தில் இருக்கும் ஜெயிக்கவே தெரியாத 7 பேர் கொண்ட கபடி குழு, தட்டு தடுமாறி மதுரையில் நடக்கும் ஸ்டேட் லெவல் கபடி போட்டியில் கலந்து வெற்றி பெறுகிறார்களா என்பதை காதல், மோதல் கோர்த்து தொடுக்கப்பட்டுள்ள இளமைத் திருவிழா.

புதுமுகம் விஷ்ணு படத்தின் கதாநாயகன். பழனி அருகில் இருக்கும் ஒரு கிராமத்தின் படிக்காமல் ஆடு மேய்க்கும் ஒரு இளைஞனை கண்முன் நிறுத்துகிறார். சைக்கிளில் பஸ்ஸை துரத்தி ஓவர்டேக் பண்ணும் முதல் காட்சியிலேயே மனதில் ஒட்டிக் கொள்கிறார். சரண்யா மோகன், படத்தில் இவருக்கு இரண்டு நிமிடம் பேசுவதற்கு டையலாக் இருந்தாலே பெரிய விஷயம். ஆனால் விஷ்ணுவை பார்த்து வெட்கம் கலந்து பரவசப்படும் இடங்களில், கண்கள் ஆயிரம் கவிதைகள் பேசுகிறது. கபடி கோச் ஆக வருகிறார் 'பொல்லாதவன்' கிஷோர். இவர் கொஞ்சம் ட்ரை பண்ணினால் அடுத்த பிரகாஷ்ராஜாக வரலாம். 'ஏய், ஏய்' என்று அடித் தொண்டயில் இருந்து கத்தி வில்லத்தனம் பண்ணாமல் இந்த மாதிரி நடித்துவிட்டு போகலாம்.

இவர்கள் தவிர படத்தில் அனைவரும் புதுமுகங்கள். ஒவ்வொருவரை பற்றியும் பிண்ணனியில் பின்னப்பட்ட குடும்ப உறவுகள் காட்சிகள் அருமை. புது பொண்டாட்டியை வீட்டில் விட்டுவிட்டு கபடி மேட்சுக்கு செல்லும் அவர் தான் இந்த க்ரூப்பின் காமெடி பட்டாசு. 50 புரோட்டாவை அசால்ட்டாக உள்ளே தள்ளி விட்டு அடுத்த ரவுண்டுக்கு ரெடியாகும் இடங்களில் தியேட்டரே அதிர்கிறது. இருந்தாலும் மனிதர் கிளைமேக்சில் அரற்றும் இடங்களில் நெஞ்சில் நிற்கிறார். அப்புறம் டீக்கடை அப்புக்குட்டியாக வரும் குள்ள மனிதர் நடிப்பில் அப்ளாஸ் வாங்குகிறார். டீ ஷர்ட்டை பார்த்து ஏங்குவது, மாமியார் தலையில் உறியடிக்கும் குச்சியால் போடுவது என கலக்குகிறார்.

சரண்யா கொலுசின் சத்தத்தை வைத்தே ஹீரோ உறியடிக்கும் காட்சிகள், அறிமுக டைரக்டர் சுசீந்தரனின் திறமைக்கு விசிட்டிங் கார்டு. இரண்டாவது பாதியில் மேட்ச்சில் வீரர்களுக்கு உதவி பண்ணும் உள்ளூர் பெரியவர், கிராமத்து சந்தில் கண்ணாமூச்சி ஆடும் ஜோடிகளுக்கு உதவி பண்ணும் குச்சி தாத்தா, சதா புலம்பும் பெண், தாவணியை மிகச்சரியாக கட்டும்(இடுப்பை கரெக்ட்டாக மறைத்து) கிராமத்து இளம்பெண்கள் என கிராமத்து அழகான ஆட்களை படம் நெடுகிலும் உலவ விட்டுள்ளனர்.

படத்தின் பாடல்கள் பெரும்பலம். 'கபடி கபடி' என ஷங்கர் மகாதேவன் பாடும் பாடல், கபடி குழு ஆக்ரோஷமாக ஆடும்போதெல்லாம் BGM ஆக ஒலிக்கிறது. கார்த்திக், சின்மயி குரலில் வரும் 'லேசா பறக்குது' பாடல் அருமையான காதல் டூயட். கிராமத்து திருவிழாவில் அரைகுறை ஆடையில் குத்துப்பாட்டு இல்லாமலா? இங்கேயும் உண்டு, 'வந்தனம், வந்தனம்' பாடல்.

செமிஃபைனலில் தோற்றுவிட்டு ஃபைனலில் விளையாடும் அபத்தம் இதில் இல்லை. முதல் பாதி, "என்னடா, திருவிழா, காதல் என இழுக்கிறார்களே" என்று நினைக்காமல், இரண்டாம் பாதியை பொறுமையாக பார்க்க வேண்டும். கபடி திருவிழாவே நடத்தி இருக்கிறார்கள்.

படம் எவ்வளவு நல்லாக இருந்தாலும், க்ளைமேக்ஸ் எனக்கு சுத்தமாக பிடிக்கவில்லை. படத்தில் இருந்து தனியாக தெரிகிறது. அவர்கள் ஜெயித்து கோப்பையை வாங்கியவுடன், அடுத்த திருவிழாவில் ஹீரோயினை பார்ப்பதுடன் முடித்து இருக்கலாம். (ஸாரி, முழுக்கதையை சொன்னதற்கு! பட் க்ளைமேக்ஸை நான் சொல்லலை!!!!!)

வெண்ணிலா கபடி குழு - ‍அழகான, அழுத்தமான, ஆர்ப்பாட்டமில்லாத செல்லுலாயிட் கவிதை.

****************

வில்லுக்கு போக்கிரி டெம்ப்ளேட் மாதிரி, படிக்காதவனுக்கு பொல்லாதவன் டெம்ப்ளேட். வத வதவென்று இருக்கும் வில்லன்களை சுள்ளான் மாதிரி பார்ப்பவர்களை சுளுக்கெடுக்காமல், அவர்களுக்குள் அடிக்கவிட்டுக் கொண்டு, கடைசியில் ஒரே ஒருத்தனை மட்டும் க்ளைமேக்ஸில் நையப்புடைக்கும் கதை தான் படிக்காதவன்.

தனுஷின் பாடி லாங்குவேஜ் சான்ஸே இல்லை. அருமை. எச்சூஸ்மீ என்று ஹீரோயினுடன் காதல் செய்யும்போதும், அருக்காணி மகள் திருக்காணியை பொண்ணு பார்க்கப் போகும்போதும், கனவில் ஃபைட் பண்ணும்போதும் எக்ஸ்ப்ரஷனில் பின்னுகிறார். தமன்னா, பௌர்ணமி நிலவின் கலரில் அவருடைய ஸ்கின் மினுமினுக்கிறது. இவர் ஒல்லியா, தனுஷ் ஒல்லியா என பட்டிமன்றமே நடத்தலாம். மற்றபடி இவருக்கு படத்தில் உப்புக்கு சப்பாணி கதாபாத்திரம். அவர்களின் காதல் எபிசோடை அல்ரெடி நாம் சிங்காரவேலனில் பார்த்து விட்டோம். :(

த‌னுஷின் அப்பாவாக‌ பிர‌தாப் போத்த‌ன். நம்மூர் நார்த் இண்டியன் கலெக்டர் மாதிரி திக்கி திக்கி பேசுகிறார். இவ‌ரைத் த‌விர‌ அவ‌ருடைய‌ பெரிய‌ குடும்ப‌ம், ச‌ன் டி.வி சீரிய‌ல் ஆர்ட்டிஸ்ட்க‌ளால் நிர‌ம்பி வ‌ழிகிற‌து. விவேக்கின் காமெடி அட்டகாசம். ஆனால் இது வடிவேலு நடித்திருந்தால் இன்னொரு வின்னர் மாதிரி இருந்து இருக்கும். அந்த எபிசோடின் மேனரிசங்கள் வடிவேலுவுக்கு அட்சரம் பிசகாமல் பொருந்தி இருக்கும். என்ன அரசியலோ??

நரிக்குறவர்கள் குருவி சுடுவதற்கு பயன்படுத்தும் துப்பாக்கி போல ரெண்டு வில்லன் க்ரூப், சர்வசாதாரணமாக பீச்சில் பலூன் சுடுவது போல சிட்டி சென்டரில் சுட்டுக் கொல்வது கெட்ட காமெடி. அதிலும் வில்லன் சுமன் ஹெலிகாப்டரில் வந்து ஷாயாஜியின் க்ரூப் வண்டிகளை வெடித்து பறக்க விடுவது வீடியோ கேம் பார்ப்பது போல் உள்ளது.

படத்தின் அட்டு பாடல்களையும், சன் டி.வியின் அட்வர்டைசிங் மூலம் ஹிட்டாக்கி விடுவார்கள். கொடுமை. அடியாட்களை காற்றில் பறக்கவிடும்போது, போச்சுடா சுள்ளான் திரும்ப வந்துட்டான் என்று நினைக்கும்போது அது கனவு என்று பில்டப் பண்ணுவது ஹியூமர் போனஸ்.

தனுஷை தான் ஃபாலோ பண்ணுகிறார்கள் என்று நினைத்துக் கொண்டிருக்கும்போது, அந்த க்ரூப் தமன்னாவை போட்டு தள்ள வந்திருக்கிறார்கள் என்று தெரியும்போது உள்ள ட்விஸ்ட், டைரக்டர் டச். அதேபோல் ரயில்வே ஸ்டேஷனில் அடிக்க வரும் க்ரூப், சுமனுடையது அல்ல அதுல் குல்கர்னியோட க்ரூப் என்று தெரியும்போது, திரைக்கதை ரெக்கைகட்டி பறக்கிறது. பட், க்ளைமேக்ஸ் பொல்லாதவன், ரன், சண்டக்கோழி ஜெராக்ஸ்.

முதல் பாதியில் இருந்த வேகத்தை, இரண்டாவது பாதியில் மெயின்டெயின் கூட‌ பண்ணாமல் விவேக்கையும், பாடல்களையும் வைத்து ஓட்டி, கடைசி 20 நிமிடங்களை மட்டும் நம்பி இருப்பது திரைக்கதையின் பெரிய ஓட்டை.

படிக்காதவன் - கொங்குரா சட்னி தடவப்பட்ட‌ பொல்லாதவன்.

********

நேர்மையான ராணுவ அதிகாரியான தந்தையை தந்திரமாக கொலை செய்த வில்லன் க்ரூப்பை அதிரடியான மகன் பழிவாங்கும் எம்.ஜி.ஆர் காலத்து கதையை வைத்து மீண்டும் விஜய் பிரபுதேவா காம்பினேஷன் பட்டையைக் கெளப்பியுள்ளனர்.

கதை தூத்துக்குடியில் ஆரம்பித்து முனீச், ஜெர்மனிக்கு தாவி மீண்டும் சென்னையில் முடிகிறது. முதல் பாதியில் வரும் நீர்வீழ்ச்சியுடன் கூடிய கிராமம் எது என்று தெரியவில்லை. அருமையான லொகேஷன்.

தந்தை, மகன் என இரட்டை வேடத்தில் விஜய். ரொம்ப மெனக்கெடாமல் டபுள் கெட்டப். பிரபுதேவா, விஜய் கூட்டணியின் பழைய போக்கிரி டெம்ப்ளேட்டை தூசி தட்டி, புதிதாக எடுத்து இருக்கிறார்கள். காஸ்ட்யூம் மட்டும் வித்தியாசமாக ஸ்டைலிஷாக உள்ளது. பல்லி மாதிரி இருந்த நயன்தாரா இந்த படத்தில் பழைய ஃபார்ம். லைட்டாக சதை போட்டு இருக்கும் அவர் முதல் பாதியில் விஜயுடன் பண்ணும் காமெடி காட்சிகள் சிரிப்பை வரவழைப்பதற்கு பதில் கவர்ச்சியில் தாரா.....ளம். முடியல...

வடிவேலு இப்போது அவுட் ஆஃப் ஃபார்மில் இருக்கிறார். வாயை உவ்வென்று குவித்து ஃபீல் பண்ணுவது போல் இன்னும் எத்தனை படத்தில் நடிப்பார் என்று தெரியவில்லை. செகண்ட் ஆஃபில் இவரை ஜெர்மனிக்கு கொண்டுவந்து காமெடி பண்ணியிருப்பது திரைக்கதை வறட்சியைக் கொட்டுகிறது. அதிலும் நீளமான அந்த மாடு காமெடி டூ மச்.

பிரகாஷ்ராஜ், விஜயுடன் பழகின பாவத்திற்கு எப்படிப்பட்ட கேரக்டரில் எல்லாம் நடிக்க வேண்டியிருக்கிறது. அற்புதமான நடிகனை வீணடித்து இருக்கிறார்கள். மற்றபடி தேவராஜ், ஆனந்தராஜ், ஸ்ரீமன் எல்லாம் சும்மா டம்மி வில்லன்கள். ரஞ்சிதாவும், மனோஜ் கே.ஜெயனும் தயிர்சாதத்துக்கு ஊறுகாய் மாதிரி.

இதில் விஜய் ரசிகர்களுக்கான காட்சிகள் ஏராளம். இண்ட்ரோ சாங், கல்யாண வீட்டில் டான்ஸ் ஆடிக் கொண்டே சண்டை, சுற்றி நிற்கும் கார்கள் வெடித்து சிதறுவது, பிரகாஷ்ராஜை மடக்கும் போது பஞ்ச் டயலாக் காட்சிகளில் ரசிகர்கள் சாமி வந்தது போல் ஆடுகிறார்கள். அறிமுகப் பாட்டில் குஷ்பூ ஸ்கிரீனில் பாதியை நிறைத்துக் கொள்கிறார். நல்லவேளை பாடல் முழுவதும் அவரை ஆட விட‌வில்லை. பாடியிருப்பது அட.. கோவை சரளா!!!

பழிவாங்கும் திட்டத்தில் தான் அவர் நயனை லவ் பண்ணுகிறார் என்று தெரியும் போது திரைக்கதையில் ஷாக். அதே போல் தேவராஜின் பையன் தான் விஜய் என்று தெரியும்போதும் அதே ஷாக். அந்த டெம்போவை மெயின்டெயின் பண்ணாமல் தொடர்ந்து மூன்று பாடல்கள் போட்டு இரண்டாம் பாதியில் எல்லாரையும் கேண்டீன் பக்கம் ஓட விடுகிறார்கள்.

இன்டெர்நேஷனல் டான் என்பதற்கு ஹாலிடே ரிசார்ட் மாதிரி முனீச்சில் போய் ஷுட் பண்ணியிருப்பது, வில்லன்கள் ஹெலிகாப்டரில் வருவது எல்லாம் புரொடியூசர் பணத்தின் தாராளம். ஹெலிகாப்டரில் ஜஸ்ட் லைக் தேட் என‌ சண்டை போடுவது, க்ளைமேக்ஸில் புழுதி மணலில் கண்ணைத் திறந்து மட்டும் ஹீரோயிஸ பில்டப் பண்ணியிருப்பது கொஞ்சம் ஓவர்.

படிக்காதவன், பொல்லாதவன் ஜெராக்ஸ் மாதிரி இருப்பதால் இந்த படம் ஓடுவதற்கு அதிக வாய்ப்புள்ளது.

வில்லு ‍- விஜய் இஸ் பேக் வித் ப்ளோ(போக்கிரி பார்ட் 2).

*************

கண்ணில் பார்வை - ஷ்ரேயா கோஷல்

கண்ணில் பார்வை போனபின்பும்
கண்ணில் ஈரம் ததும்பும் ததும்பும்
கண்ணிலாத பேதை கண்டால்
கனாக்கள் கூட ஒதுங்கும் ஒதுங்கும்

கண் தெரியாத ஒரு பெண்ணின் பார்வையில் பதியப்பட்டுள்ள பாடல். அழுதுகொண்டே பாடுவது போல் ஸ்ரேயாவின் குரல், வெண்ணெய் போல் அப்படியே உருகி பாடல் முழுவதும் வழிந்தோடுகிறது. கர்னாட்டிக் மியூசிக் சாயலிலும் உள்ளது.

அம்மா உன் பிள்ளை - சாதனா சர்கம்

ஒரு அற்புதமான மெலடி. தாயைப் பற்றி பாசத்துடன் உருகிப் பாடல். சாதனாவின் குரலில் இளையராஜா தாலாட்டியிருக்கிறார். இளையராஜா சரணங்களுக்கு நடுவே இசை ராஜாங்கமே நடத்தியிருக்கிறார். வாலியின் பாடல் வரிகள் பாசத்தின் வீரியத்தை ரொம்ப காட்டமாக எடுத்து உரைக்கிறது. எனக்கு பிடித்த வரிகள்

ஜென்மங்களில் பாவம் பெண் ஜென்மமே,
பந்தங்கள் என்று சொன்னால் துன்பங்களே!
பெண்களை சிலையிலே தொழுகின்ற உலகமே ஏன் சொல்??


மாதா உன் கோவிலில் - மதுமிதா

இது "அம்மா உன் பிள்ளை" பாடலின் அதே ராகத்தோடு மதுமிதாவின் குரல்களில் ஒரே ஒரு நிமிடம் மட்டும் ஒலிக்கும் பாடல்.

பிச்சைப்பாத்திரம் -  மதுபாலகிருஷ்ணன்

ஒரு அநாதை, நான் ஏன் பிறந்தேன், என்னை ஏன் பிச்சையெடுக்க வைக்கிறாய் என்று சிவபெருமானை நோக்கி ஆதங்கத்துடன் பதிவு செய்யப்பட்ட பாடல். தெளிவான நீரோடை போல சீராக மிருதங்கத்தின் சிறிய அடிகளில் மதுபாலகிருஷ்ணனின் குரல் பிச்சைக்காரர்களின் உண்மைகளை சாட்டையடி அடிக்கிறது.

பல்லவி,

பிச்சைப் பாத்திரம் ஏந்தி வந்தேன்
ஐயனே... எம் ஐயனே!
பிண்டம் என்னும் எலும்பொடு சதை
நரம்புதிரமும் அடங்கிய உடம்பு எனும்
பிச்சைப் பாத்திரம் ஏந்தி வந்தேன்
ஐயனே... எம் ஐயனே!

ஒரு காற்றில் - இளையராஜா

ஹீரோவுக்கு யாரோ ஆறுதல் சொல்வது போல் இளையராஜாவின் குரலில் பதிவு செய்யப்பட்டுள்ளது. இளையராஜாவின் குரலைப் பற்றி சொல்ல என்ன இருக்கிறது. தி எவர்கிரீன் வாய்ஸ்.

யாருக்கும் போல ஒரு அன்னை
தந்தை உனக்கும் இருந்தது உண்டு
யாருக்குபோல் ஒரு தேகம் தாகம்
உனக்கும் வளர்ந்தது இங்கு
யாருக்கும் போலே விழிகள்
இருந்தும் உலகமோ இருளில்

ஓம் சிவ ஓம் ‍- விஜய் ப்ரகாஷ்

அகோரிகளின்(நர மாமிசம் உண்ணும் துறவிகள். நரமாமிசம் உண்ணுவது தான் சிவபெருமானை அடைய துறவிகள் செய்யும் கடைசிகட்ட யாகம்.) ருத்ரதாண்டவம். உடுக்கை ஒலியின் ஆக்ரோஷ அதிர்வுகளோடு பதிவு செய்யப்பட்ட பாடல். பாடலைக் கேட்கும்போது நரம்புகள் அதிர்கின்றன். இதுவரை பேய் படங்களில் கொடுக்கப்பட்ட சவுண்ட் எஃபெக்ட் முழுவதும் இந்த ஒரு பாடலில் உள்ளது. இது தான் இந்த ஆல்பத்திலேயே டாப்.

பாடலின் சில வரிகள்.

ஷட்சித் ப்ரமாணம் ஓம் ஓம்
மூலப் ப்ரமேயம் ஓம் ஓம்
அயம் ப்ரம்மாஸ்மி ஓம் ஓம்
அஹம் ப்ரம்மாஸ்மி ஓம் ஓம்!

படத்தின் டைட்டிலில் கேப்ஷனாக போட்டுள்ள‌ அஹம் ப்ரம்மாஸ்மி என்றால் நான் கடவுள் என்று அர்த்தம். பணம் ,வெற்றி, பதவி, அதிகாரம் என்பவை துச்சமாக மதிக்கப்பட்டு இவைகளை தேடுபவர்களை பைத்தியகாரர்களாக தான் அன்றைய உலகம் பார்த்தது. ஒவ்வொருவடைய முழு மூச்சும் இந்த பிரபஞ்சத்தின் இரகசியத்தை தேடுவதில் இருந்தது. அந்த இரகசியம் என்பது "அஹம் ப்ரம்மாஸ்மி" அதாவது "நான் கடவுள்" என்பதே. நன்றி கல்காரி சிவாவின் வலைப்பூ. சுட்டி இதோ.

ஒட்டு மொத்தமாக இந்த ஆல்பத்தில் மிகப்பெரிய சிறப்பம்சம் இளையராஜாவின் இசையும், வாலியின் பாடல் வரிகளும். நான் கடவுள் என்ற பாலாவின் மூன்று வருட தவத்தின் இசை ஆல்பத்தை இளையராஜா, வாலி என்ற இரு தூண்கள் தூக்கி நிறுத்துகின்றார்கள்.


DISCLAIMER: பாடல்களை குத்துப்பாட்டு, காதல் டூயட், ஹீரோ அறிமுகப்பாட்டு என்றெல்லாம் வகைப்படுத்த கன்ஃப்யூஸ் பண்ணத் தேவையில்லை. அந்த கடைசி பாடல் தவிர, அனைத்து பாடல்களும் சோகத்தில் கசக்கி பிழிந்து உயிரை உருக்கும் இசையில் பதிவு செய்யப்பட்டுள்ளது. அந்த ஸ்டைல் பிடிப்பவர்கள் மட்டும் கேட்கலாம். மற்றவர்கள் கேட்டால் அன்னைக்கு நாள் டோட்டலி அவுட், என்னை மாதிரி.

ஒரே ஒரு செல்ல மகளுக்கு பாசத்தை ஒவர் டோஸாக கொடுத்து பழக்கப்பட்ட அப்பா, மகளின் ஒவ்வொரு காலகட்டத்தின் பிரிவையும் எவ்வாறு எதிர்கொள்கிறார் என்பதே படத்தின் இரத்தின சுருக்கமான கதை. அதிலும் பிரகாஷ்ராஜ் மாதிரியான நான்‍-ப்ராக்டிகல் அப்பாக்கள் எதிர் கொள்ளும் பிரச்சினைகளை எடுத்து சொல்லியிருக்கிறார்கள்.

படத்தில் முதல் 45 நிமிடம் அழகான கவிதை. சின்ன வயது த்ரிஷாவுடன் அவர்கள் பெற்றோர்கள் அடிக்கும் லூட்டியில் தியேட்டரே சிரிப்பில் அதிர்கிறது. அதன் பின் தான் த்ரிஷா என்ட்ரி, அத்துடன் மொத்த படத்தின் சுவாரஸ்யம் அப்படியே அமுங்கி விடுகிறது. த்ரிஷாவுக்கு அப்படி ஒன்றும் அழுத்தமான கேரக்டர் இல்லை. த்ரிஷாவை விட அவர் அம்மாவாக நடிக்கும் ஐஸ்வர்யாக்கு நடிப்பதற்கு நிறைய ஸ்கோப். ஆனால் அவரின் வில்லத்தனமான் வாய்ஸ் அநியாயத்திற்கு பயமுறுத்துகிறது. அவருக்கு யாராவது டப்பிங் பேசியிருக்கலாம்.
ஆசை மகளை ஸ்கூலில் சேர்க்கும் போது அழுவது, சைக்கிள் வாங்கித் தருவதற்கு அடம்பிடிப்பது, படிப்பதற்கு டெல்லி அனுப்பும்போது பிரச்சினை பண்ணுவது என பிரகாஷ்ராஜ் மொத்த படத்தின் வெயிட்டையும் தனி ஆளாக‌ தன் தோளில் சுமக்கிறார். த்ரிஷா முதல்முறை "I know what i'm doing" என்று சொல்லும்போது ஏற்படும் அதிர்ச்சியை தெளிவாக வெளிக்காட்டுகிறார். ஒரு சீனில் ஒருத்தன் லவ் லெட்டர் கொடுத்துட்டான் என த்ரிஷா சொல்லும்போது ரொம்ப மெச்சூர்டா அட்வைஸ் பண்ணும் அவர், அதே பொண்ணு நான் லவ் பண்றேன் என்று சொல்லும்போது சின்ன்ப்புள்ள மாதிரி ரியாக்ட் பண்ணுவது ஏன் என்று தெரியவில்லை.

த்ரிஷா முக சாயலில் சிறுவயது குழந்தைகளை தேர்ந்தெடுத்து நன்றாக நடிக்க வைத்து இருக்கிறார்கள். த்ரிஷாவின் கேரக்டர்க்கு இமேஜ் பூஸ்ட் அப் பண்ண விவரம் தெரியாத வயதில் பிச்சைக்காரனை வீட்டுக்கு கூட்டி வருவது ஓ.கே, ஆனால் நடு ரோட்டில் அப்பா சட்டையைக் கழற்றி ரோட்டில் திரியும் பெண்ணுக்கு போர்த்துவது என்று ரொம்ப யோசித்து இருக்கிறார்கள். யாருடனும் டிஸ்கஸ் பண்ணாமல், ரொம்ப கூலாக கல்யாண தேதியை சாப்பிடும்போது த்ரிஷா பிரகாஷ்ராஜிடம் சொல்வது, ரொம்ப வேடிக்கையாக உள்ளது. அந்த பிச்சைக்கார ரவி சாஸ்திரி நடிப்பில் அசத்துகிறார், அநாயசமாக கமெண்ட் அடிக்கிறார். ஆனால் ஃபீல் பண்ணி பேச ஆரம்பிக்கும்போது பயமுறுத்துகிறார்.

படத்தில் சொல்லிக் கொள்ளும்படியான ஒரு சிறப்பம்சம், ரொம்ப ஷார்ப்பான வசனங்கள். பாலுக்கு பால் சிக்ஸர் அடித்து இருக்கிறார்கள். பாடல்கள், சொல்லிக் கொள்ளும்படி இல்லை என்றாலும் "வா வா அன்பே" என்ற முதல் பாடல் அருமை. ரெண்டாம் பாதி முழுவதும் வறட்சி. சிங் மாப்பிள்ளை மேல் நல்ல ஒப்பீனியன் வர வேண்டும் என்பதற்காக ஜோடிக்கபட்ட காட்சிகளில் எல்லாம் கொஞ்சம் கூட லாஜிக் இல்லை. அந்த குண்டு சொந்தக்கார சிங் கத்துவதில் காது தான் வலிக்கிறது. சோகம், சென்டிமெண்ட் என‌ எதிலும் கான்சென்ட்ரேட் பண்ணாமல் அங்கேயும் காமெடியை அள்ளி தெளித்து இருக்கிறார்கள், படத்துடன் ஒட்ட மறுக்கிறது.

அழகிய தீயே, மொழி போன்ற படங்களில் இருந்த யதார்த்தம் இந்த படத்தில் மொத்தமாக மிஸ்ஸிங்.

அபியும் நானும் ‍- அப்பாவுக்கும் பொண்ணுக்கும் மட்டும் பிடித்த படம்.

சொத்துக்காக கூட்டுக் குடும்பத்தில் நடக்கும் பங்காளி சண்டை. பிரபு, சிம்பு குடும்பத்துக்கும் பொன்வண்ணன், ராகவ், கிஷோர் குடும்பத்துக்கும் இடையில் நடக்கும் அடுத்த தலைமுறை வரை நடக்கும் ரத்தக்களறியான சண்டை.

அப்பா, மகன் என இரட்டை வேடத்தில் சிம்பு. முதலாமவருக்கு ஜோடி சினேகா அடுத்தவருக்கு சனாகான். இவர்கள் தவிர நெடுமுடு வேணு, யுவராணி(விஜயுடன் கபடி விளையாடினாரே, அவரே தான்), நிரோஷா, சந்தானம், மயில்சாமி, கருணாஸ், கனல்கண்ணன், சிட்டி பாபு என ஒரு பெரும் கூட்டமே நடித்திருக்கிறார்கள்.

அய்யராக நடிச்சாலும் சரி, காலேஜ் ஸ்டூடண்டாக நடித்தாலும் சரி, இல்லை பொறுக்கியாக நடிச்சாலும் எல்லாரையும் அடிப்பதை மட்டுமே தொழிலாகக் கொண்டவர் சிம்பு. இந்த படத்திலேயும் அதே போல். நடுவில் சனாகானுடன் காதல் காட்சிகள் எல்லாம் ஆபாசத்தின் உச்சகட்டம். இரட்டை அர்த்த வசனம் எல்லாம் தேவை இல்லை. ஸ்ட்ரெய்ட்டா புரியும்படியான வசனங்கள். சந்தானம் வரும் சீன் எல்லாமே காமநெடியின் தோரணங்கள். இந்த கொடுமை பத்தாது என்று கிராமத்து பாட்டியையும் பேச வைத்து வேடிக்கை பார்த்து உள்ளனர். பாடல் காட்சிகளில் அரைகுறை ட்ரெஸ்ஸோட டான்ஸ் ஆடவும், முதல் பாதியில் சிம்புவுக்கு பஞ்சாமிர்த மசாஜ் செய்ய‌ மட்டும் சனாகான். பிரபு, நெடுமுடி வேணு, பொன்வண்ணனுகெல்லாம் படத்தில் வேலையே இல்லை.

20 வருஷத்து முந்தைய கிராமத்து கதையில், கல்யாணம் பண்ணிக்காமலே தினமும் இரவு லிவிங் டுகெதர் லைஃப் வாழும் ஆதர்ஷ ஜோடியாக சிம்பு‍-சினேகா மாமி. நல்ல வேளை படத்தில் முக்கியமான இடத்தில் அதை ஒரு Knot ஆக வைத்திருப்பது புத்திசாலித்தனம். அதே போல் அந்த மலைக்கு நடுவே உள்ள tunnelஐ வைத்து சென்டிமெண்ட் காட்சியாக மாற்றியது அருமையான் க்ளிஷே.

அய்யர் சிம்புவை பார்த்து "தமிழ்" என்று பஸ்ஸில் தப்பித்து ஓடுபவன் பார்த்து ஆச்சர்யப்படும்போது நிமிர்ந்து உட்கார வைக்கிறார்கள். அதை அப்படியே மெயின்டெய்ன் பண்ணி கொண்டு போகாமல் அடுத்த சீனிலேயே சுவாரஸ்யம் உடைந்து போவது மைனஸ். க்ளைமேக்ஸில் பில்லா காஸ்ட்யூம், தீம் மியூசிக்கோடு சிம்பு வருவதெல்லாம் கொடுமையின் உச்சகட்டம் என்றால் "நலந்தானா" பாடல் முடிந்தவுடன் ஒரு நிமிஷம் குத்து மியூசிக்கில் தனியாக ரப்பர் மாதிரி டான்ஸ் ஆடுவது கோமாளித்தனத்தின் உச்சகட்டம்.

ஒரு சின்னப்பையன் குடும்பத்தில் எல்லாரையும்(சிம்பு உள்பட) கத்தியில் குத்தி சாகடிப்பது ரொம்ப டூ மச். பாடல் காட்சிகள் மட்டும் படத்தில் ரிலீஃப். அடிதடி காட்சிகள், டபுள் மீனிங் வசனங்கள் எல்லாம் குறைத்து இருந்தால் ஒரு நல்ல மசாலா திரைப்படமாக வந்து இருக்க வேண்டிய படம். ம்ம்ம்.. பயந்தது போலவே காது செவிடானது தான் மிச்சம்.

சிலம்பாட்டம் - சிம்புவின் அலப்பரை ஆட்டம்.

நெருங்கிய சொந்தத்துக்குள் திருமணம் செய்து வைத்தால் பிறக்கும் குழந்தைக்கு ரத்தம் சம்பத்தப்பட்ட நோய் ஏற்பட வாய்ப்பு உள்ளது என்ற அறிவியல் உண்மையை தமிழ் கூறும் நல்லுலகிற்கு சொல்ல முயற்சி செய்துள்ள படம்.


தன் தாய்மாமன் தங்கராசுவை திருமணம் செய்வது தான் தன் வாழ்நாள் இலட்சியமாக வைத்துக் கொண்டு வாழும் பெண் மாரியாக புதுமுகம் பார்வதி. "உன் மாம‌னை அம்புட்டு பிடிக்குமோ" என்று கேள்விக்கு "அம்புட்டு இல்ல இம்புட்டு" என்று கையை விரித்து பதில் சொல்லும் காட்சியில் எக்ஸ்பிரஷனில் பின்னுகிறார் பார்வதி. சிவகாசி பக்கத்தில் உள்ள ஒரு குக்கிராமத்தில் இருக்கும் வெடியாபிஸில் வேலை செய்கிறார். ஆனால் மாரியை பற்றிக் கொஞ்சம் கூட நினைக்காமல் இன்ஞ்சினியரிங் படிக்கும் மாணவனாக ஸ்ரீகாந்த். சொல்லப் போனால் இவருக்குப் படத்தில் வேலையே இல்லை. பார்வதியின் கணவராக "சென்னை 28" ல் Rockers டீம் கேப்டனாக வரும் இனிகோ. இவருக்கும் பார்வதிக்கும் முதல் பாடலில் அருமையான கெமிஸ்டரி.

ஸ்ரீகாந்தை தவிர படத்தில் நடித்த மற்ற அனைவரும் நடிப்பில் பட்டையைக் கிளப்பி உள்ளனர். ஸ்ரீகாந்தின் அப்பாவாக வரும் பேனாக்காரர், அக்மார்க் கிராமத்துத் தமிழர். இவரை அனைவரும் பேனாக்காரரே என்று அழைக்கும் போது இவர் முகத்தில் காட்டும் ரியாக் ஷன் சூப்பர். அதே போல் பார்வதியின் அம்மாவாக வரும் பெண்ணின் பேச்சில் அப்படியே ஸ்ரீவில்லிபுத்தூர் வட்டார பேச்சு. பார்வதியின் அண்ணனாக வருபவர்(வீரசமர்) படத்தின் ஆர்ட் டைரக்டரும் கூட.

சின்மயி குரலில் "ஆவாரம் பூ" பாடல் தீம் மியூசிக்காக உருகுகிறது. அதே போல் "சூ சூ மாரி", "மாமன் எங்கே இருக்கான்" பாடல்கள் கேட்கவும் பார்க்கவும் அருமையாக உள்ளன. சூ சூ மாரியில் வரும் ஒரு சிறுவன் கேமரா முன்னால் நின்று கொண்டு பண்ணும் குறும்பு ரசிக்கும்படி உள்ளது. ஆனால் பரவை முனியம்மா வரும் "சிவகாசி ரதியே" பாடல் அப்படியே "திமிரு" படத்தில் வடிவேல் ஆடும் "அடங்கொப்புரானே" பாடலின் அட்டகாசமான காப்பி(பேஸ்ட்).

கல்யாணத்துக்கு அப்புறம் எங்கே சோகமாகவோ, அழுதாலோ மாமனுக்கு சுகமில்லாமல் போய்விடுமோ என்று எப்பவும் சிரித்துக் கொண்டே (நடுக் காலில் ஒரு கிலோ படிக்கல் விழும்போதும் ஈ என்று சிரிக்கிறார்)திரியும் பார்வதி, மாமன் வாழ்க்கை அவருடைய கல்யாணத்துக்கு அப்புறம் சந்தோஷமாக இல்லை என்று தெரிந்தவுடன் பொட்டல் காட்டின் நடுவே உக்கார்ந்து ஓவென்று அழுவது நெஞ்சை ஏதோ செய்கிறது. இது தான் டைரக்டர் டச்.

படத்தின் இரண்டரை மணி நேரத்தில் இரண்டு மணிநேரம் பார்வதியை மட்டும் காட்டிக் கொண்டிருப்பது ஒரு வகை அயர்ச்சியை ஏற்படுத்துகிறது. சீக்கிரம் அவங்க ரெண்டு பேரையும் சேத்து வைங்கப்பா என்று புலம்ப வைக்கிறார்கள். அப்புறம் தேவையே இல்லாத கொய்யாப்பழ ஷாட், கவனத்துடன் தவிர்த்து இருக்கலாம்.

பூ-ஏமாற்றமளிக்காத கள்ளிப் பூ.

ப‌‌ட‌த்துக்கு நீங்க‌ள் 20 நிமிட‌ம் லேட்டா போனாலும் பிர‌ச்சினை எல்லாம் இல்லை, கொடுத்து வைத்த‌வ‌ர் நீங்க‌ள். முத‌ல் பாதி அதி ப‌ய‌ங்க‌ர‌ மொக்கை. இரண்டாம் பாதி ஏமாற்றம் அளிக்கவில்லை.

ஷ‌க்தி, விஜ‌ய்க்கு அடுத்து 3 நாள் தாடி எப்பொதும் முக‌த்தில். சிரிக்கும் போது அழ‌காக‌ இருக்கிறார். ஆனால் எப்பொதும் ஒரே reaction. Climaxல் ம‌ட்டும் ந‌டிப்ப‌த‌ற்கு கொஞ்ச‌ம் வாய்ப்பு. ச‌ந்தியா ஏன் இவ்ளோ கொடுமையாக‌ இருக்கிறார் என்று தெரிய‌வில்லை. கேவ‌ல‌மான மேக்க‌ப் ம‌ற்றும் ந‌டிப்ப‌த‌ற்கு கொஞ்ச‌ம் கூட‌ வாய்ப்பு இல்லாத‌ role. ச‌ந்தியாவை விட‌ கூட‌ இருக்கும் தோழி பார்ப்ப‌த‌ற்கு அழ‌காக‌ இருக்கிறார் சில‌ இட‌ங்களில். பல இடங்களில் ஒவர் ஆக்டிங் வேறு. ஷ‌க்தியின் த‌ங்கையாக‌ ச‌ர‌ண்யா, கொஞ்சம் wieght ஆன ரோல். முத‌ல் பாதி முழுவ‌தும் இவ‌ரை சுற்றியே க‌தை, இவ‌ரும் ஓர‌ள‌வுக்கு ச‌மாளிக்கிறார். இவ‌ர்க‌ளை த‌விர‌ ப‌ட‌ம் முழுவ‌தும் ஏக‌ப்ப‌ட்ட‌ கதாபாத்திர‌ங்க‌ள், கண்ணை க‌ட்டுது. மொக்கையாய் செல்லும் படத்தில் இடைவேளையில் ஒரு knot. அதுவும் வழக்கம் போல மொக்கையாகவே முடிகிறது.

ஷக்தி, த‌ன‌து காத‌ல் க‌தையை ஒவ்வொருவ‌ருக்கும் சொல்லும் flow ந‌ன்றாக‌ இருக்கிறது. ஆனா தேவையே இல்லாத பாட‌ல்க‌ள் ம‌ற்றும் நீள‌மான காட்சி அமைப்புக‌ள். ஆவ் கொடடாவி தான் வ‌ருகிற‌து.

சென்னையில் காமெடிக்கு ச‌ந்தான‌ம், கும்ப‌கோண‌த்தில் ஸ்ரீநாத். காட்சிக‌ள் ஒரு கோர்வையாய், இர‌ண்டாவ‌து பாதியில் காட்சிக‌ள் repeat ஆவ‌து டைர‌க்ட‌ர் ட‌ச். க‌ல்யாண‌ மேடையில் லெட்ட‌ர் எழுதிவைத்து விட்டு ஓடிப் போவ‌து போல, மண்டபத்தில் ஓடிப் போன மாப்பிள்ளைக்கு பதிலாக அவசர மாப்பிள்ளையை தேடுவது போன்ற காட்சிகள் இன்னும் எத்த‌னை த‌மிழ் சினிமாவில் காட்டுவார்க‌ளோ??? கீர்த்தி சாவ்லா ஊறுகாய் போல‌ இப்ப‌ட‌த்திலும் வ‌ழ‌க்க‌ம் போல.

அடுத்து அடுத்து 4 பாட‌ல்க‌ள். பாட‌ல்க‌ள் அனைத்தும் சுமார் ர‌க‌ம். பாடல் வரும் போது, தியேட்டரில் அப்படியே கொத்து கொத்தாக மக்கள் வெளியே போய் விடுகிறார்கள். இதில் Climax ல் TITANIC தீம் மியூசிக்கை அப்படியே சுட்டு போட்டுவிட்டார்கள். வித்யாசாகர் ரொம்ப கொடுமைப்படுத்தி விட்டார்.

கடைசி 15 நிமிட படத்துக்கு 3 மணி நேரம் மொக்கையை தாங்க முடியும் என்றால் நீங்கள் தாராளமாக இந்த படத்தை பார்க்கலாம். மற்றவர்களுக்கு DVD தான் BEST.