சுட சுட இரண்டு கவிதை!

முன்னால் சென்றவனின்
பின்னால் உட்கார்ந்து
போன சுரிதார் பெண்ணின்
இரண்டு முழ மல்லிகை
மகரந்தம்
மறுபடியும்
சொல்லிவிட்டு
போகிறது
உன் பிரிவை
பரபரப்பான சாலைகளின்
பேரிரைச்சல் இடையிலும்

*****

இறந்த காலத்தின் கேள்விகள்
சுழற்றி அடித்து என்னை
என்னுள் தேடிக் கொண்டிருக்க ‌
நிகழ் கால‌த்தின் கேள்விக‌ள்
ஏள‌ன‌ச் சிரிப்புட‌ன்
எள்ளி ந‌கையாடுகின்ற‌து
இற‌ந்த‌ இற‌ந்த‌ கால‌த்திற்கான‌
ப‌தில்களின் வடிவம்
ப‌தியும்போது
கேள்விக‌ளின் வண்ணம் மங்கி
கேள்விக்குறி புதிதாய்
முளைக்க‌
இற‌ந்த‌ கால‌த்திற்கு சென்ற
நிகழ் கால‌த்தின் கேள்விக‌ளில்
இன்னும் கேட்கிற‌து அதே
ஏள‌ன‌ச் சிரிப்பு!

*********************